ربنا يسترها من عنده
أنا فاكر انى شفت الكلام ده فى مسلسل محمد صبحى رحلة المليون او سنبل بعد المليون و كنت بشوفه و اضحك و اهو دلوقتى بقى واقع مرير..
فعلا انعدام القيم و غياب القدوة و التربية السليمة و التأثر بسلبيات الغرب لسة هيكون ليهم نتايج اسوا من كدة بكتير
ربنا يستر على بلدنا و على ولادنا
انا من 3 سنين نازل البلد و انا راجل عايش برة اصلا يعنى بنزل البلد كل فين و فين ,, المهم مالقيتش حد من اللى اعرفهم تقريبا كلهم سافرو برة و العيال الصغيرة 15 و 16 سنة كل واحد ماشى بهارد ديسك فى ايده و قال معاهم تليفونات آى-ميت و كل الناس بلا استثناء عندهم وصلات دش و انترنت و الوصلتين ب 20 جنيه فى الشهر
والعيال فاهمين فى كل الماركات العالمية للهدوم و العربيات و الساعات و الأقلام و الموبايلات طبعا
و طبعا العربيات و المتوسيكلات انتشرت بشكل رهيب .... خلى الشعب يعيش ...... بجد تطور غريب و مخيف و محزن فى نفس الوقت
خايف انزل السنة الجاية الاقيهم موقفين شعرهم و لابسين برمودا و البنات ماشيين بمايوهات أو لابسين جى سترنج و مطلعينه من تحيت الجينز ...شيكاغو البلد ...و عجبى