اخوكم د ابراهيم كنت بخدم فى المستشفى الميدانى بالتحرير فى قسم الاسعاف و الطوارئ مع انى علاج طبيعي بس مش هتفرق و قتها كان الى بيقدر يقوم بحاجه بيعملها و لما رجعنا بعد تنحي حسني و حل مجلس الشعب و وقف الدستور كان بقالى بتاع 14 يوم منمتش على سرير و لا اكلت اكل نضيف ولا استحميت و محدش يفكرنى كان شكلى ايه عملنا المجموعه ده عشان لو احتجنا ليها تانى نقدر نجمع الناس و عشان نفضل احنا و احلى اصحاب العمر متواصلين و ندعو الجميع للتواصل
و ده مقدمه للمجموعه
رجعت اليوم من التحرير رجلا جديدا بعد 14 يوم اديت فيها واجبى كطبيب الاستقبال و طوارئ فى مستشفى التحرير الميدانى ايام الثورة و النضال مازالت روحي معلقة باعمدة من النور نحو وادى الشهداء يا من حملتكم بيدي و بكتكم عيني و انتحب لكم قلبي انى لاشتاق لكم واشتاق للنوم على رصيف الوحدة لمدة ساعتين لليوم و اشتاق لتلك الوجبة الضئيلة ( سندوتش واحد ) اشتقت لأؤلئك الرجال و النساء الاشراف من لم يتبدل موقفهم و لم تضعف عزائمهم ولم يبيعوا ولم يستسلموا و لم يساوموا لقد عرفت فى تلك الأيام معادن من حولى و ان كان اغلبها الصدأ و تقربت من اناس بسطاء الحال ولكن سيماهم العزة والشرف لقد عرفنا فى تلك الايام الخائن و الجبان و من يعيش ليختبئ تحت التراب حتي اتى الطوفان لقد جلس الكثير لينموا فى أؤلئك الشرفاء الذين ضحوا بارواحهم من اجل ان نكون لنا كرامة لذلك فان الثورة لن تموت و لن نموت و لن نخضع و لن نذل سنصمد و سندافع عن حقوقكم حتى تزول الغشاوة عن اعين الجميع سنبقى نذكر اؤلئك الشهداء الكرام الذين حفروا بدمائهم مكاننا تحت الشمس
انا مش متخيل الاحاسيس الى خليتني يومها كتبت المقوله ده و قلت نعمل المجموعه ده عشان كل الابطال الى شاركت و الى دعمت الحلم
مرفق صورة لابطال وحدة الاسعاف و الاستقبال مستشفى التحرير
و ده لينك الجروب على الفيس بوك
http://www.facebook.com/home.php?sk=...30832336987701