[medo390]

مطلوب مساعده حد شغال فى بنك او له خبره فى العمليات البنكيه
الموضوع : والدى لسه بايع قطعه ارض اخد نص ثمنها كاش والباقى شيكات بنكيه مسطره وبيعها قهرا الحكايه ان واحد حط ايده عليها وقالنا ان الارض دى بتاعتى ومعاه اوراق واحنا كمان معانا اوراق بس احنا اورقنا مختومه وصحيحه وهو عارف انها مش ارضه بس بيعمل الفيلم دا عشان يجبرنا نبيع ليه هو بالسعر الى هو عايزه بالبخث المهم فضلنا معاه فى المحاكم 3 سنوات ومفيش نتيجه لحد ما جينا لفتره الثوره كنا مسورين الارض هدلنا السور وحط كونترات سيراميك وعملها مخزن للسيراميك وملاها بلطجيه وبصراحه مقدرناش نعمل حاجه ناس مسلحين وبلطجيه لدرجه ان الموضوع وصل للشرطه ومعرفوش يعملو اى حاجه وهو ادلهم فلوس وبقم فى صفه اشترى الشرطه والمحضريين لحد ما جه يوم وقالنا لو عاوزين تخلصوا محدش هيشترى غيرى هنا وانتم مش هتقدرو تبيعو لحد غيرى لان محدش يقدر يوقف قدامى واحنا بقينا زى المغلوبين على امرهم المهم الراجل كان كريم وكان سايبلنا 182 متر من 320 متر والباقى حماده بالجنزبيل حاطط ايده عليه قالنا انا هشترى منكم 182 متر + نص العجز الى هو باقى ال 320 الى هما 138 متر يعنى ادانا 69 متر كمان يعنى 182+69=251 متر وقالنا انا كدا عملت معاكم الواجب وزياده وكل مننا 69 متر والمتر كان قيمته 2000 جنيه قالنا هاخد المتر ب 1000جنيه طبعا اعترضنا المهم البيعه كانت هتقف وصلنا معاه ل 1200 والله باعنا غصب عننا ومكناش مباركين ليه لاننا اتسرقنا بس هنعمل ايه وال182 متر كانوا بالطول مش بالعرض يعنى مكنوش هينفعوا اى حاجه عشان حد غيره يشترى غير كدا اى حد هيجى هيلاقى مشاكل هيبعد المهم مشينا البيعه على 1200 المتر بقى ليا 301200 المهم وصلناها ل 320000 ووافق وشكرنا ربتا ورضينا واستعوضنا ربنا فى الباقى وجه معاد العقود وتسليم الفلوس قالنا انا هدفع 150000 والباقى 170000 شيكات على 17 شهر حصل مشاكل وزعيق المهم وافقنا واحنا مغلوبين على امرنا وتمت البيعه نظير 150الف نقدى و170 شيكات على 17 شهر وخسرنا حوالى 320000الف تانين لاننا لو كنا بعنا الارض 320 متر ب 2000 جنيه بما يرضى الله كانت هتبقى 640000الف حسبى الله ونعم الوكيل المهم احنا كنا عاوزين الفلوس دى عشان نجيب حتته بيت يتقفل علينا الحمد لله ربنا عوضنا ببيت جميل بس بعنا الى ورانا والى قدامنا بيعنا العربيه وفلوسنا كلها راحت مبقاش غير الشيكات والبيت على الاحمر كله ومحتاج تشطيب وانتو عارفين يعنى ايه تشطيب ومش هينفع كل شهر نتنقط ب 10000جنيه التشطيب بيخش اقل واجب فى 50الف وكنا عاوزين نشطب عشان انا خاطب وابويا وامى عاوزين يشطبوا الشقه عشان اتجوز ورحت للراجل واترجيته قالى انا فلوسى كلها فى السوق ومعيش سيوله حسبى الله ونعم الوكيل
المشكله: احنا معانا 17 شيك مسطر قيمه كل شيك 10000 الف جنيه وشيك مسطر يعنى ليه ميعاد استحقاق معين يعنى مينفعش اصرف الشيكات كلها مره واحده لازم كل شهر شيك انا كنت قاعد مع محامى وقالى ان ممكن اجمع الشيكات كلها واعمل ثفقه مع البنك وهيدينى الفلوس كلها كاش وهياخد الشيكات بس هيخصم منها عمولته حوالى 7000 او 10000 انا كنت عاوز اعرف هل من الممكن ان اجمع الشيكات واديها للبنك ويدينى الفلوس كاش ويخصم منهم عمولته
والله يا جماعه احنا طول عمرنا عايشين وحمدين ربنا عمرنا ما اخدنا حاجه مش من حقنا وربنا يعلم الفلوس دى بتيجى ازاى انا عارف انى طولت عليكم بس انا لما اتكلمت ارتحت والله الدنيا دى كلها فانيه وما دايم الا وجه الله وخلى الى ياخد ياخد والى يقبل يقبل المهم مين الى هيكسب اخرته فى الاخر وربنا يجعل مسوانا الجنه وحسن الخاتمه وياريت لو حد عنه فكره عن موضوع الشيكات دا يفيدنى وجزاكم الله كل خير واسف على الاطاله