فعلا الناس مش هبلة زى ما بتقول وتقدر تحكم اذا كان ردك ده رد فعلا ولا تهرب من الرد
بخصوص التزوير فى الاستفتاء فانت بتقول انك عندك نفس الفيرجن والمفروض اكيد عارف ان فيه استفتاء عام يعنى العضو اللى بيحط صوتة بيبقى معلن ومسجل ولو حضرتك عندك تروى قبل ما تتهم الناس عمال على بطال كعادتك كنت راجعت الاستفتاءات اللى فاتت وشوفت بنفسك علما بان استفتاء اختيار الادارة كان بدون سوفت وير اصلا وكل واحد كان بيقول ترشيحاتة فى مداخلة بنفسة
::: انتخابات ادارة المنتدى :::----(اعلان)
لو كنت قريتة كنت عرفت اننا فعلا مفيش منتدى زينا
اما موضوع مع السلامة هوينا فانا ميدايقنيش وجود مائة عضو زيك مع احترامى لشخصك بالعكس انا بناخد بكل الاراء وانت نفسك كان ليك اراء اخدنا بيها
اما بخصوص التعسف والمنتدى اللى بصرف عليه وانك قريب منى اد ايه واخد بالى من شغلى فده مقدرش ارد عليك فيه فعلا لانى احمل صفة ادارية فى المنتدى ده ومقدرش ارد عليك الرد المناسب بشكل شخصى على صفحات المنتدى
بس هقولك على حل ظريف انا هديك وقف لمده يوم واحد على كل اسأتك ديه بدون محاكمة كده ولا ادلة ولا ايه حاجة كده خبط لزق بصورة فردية باعتبارى عضو مؤسس
(لو بالمحاكمة والادلة هيبقوا اكتر من يوم بكتييييييييييييير )
وهشوف لو فيه عضو واحد بس سواء من الادارة او من باقى الاعضاء قال انى متعسف ضدك هلغى الوقف وهحيل الموضوع برمتة للادارة المنتخبة لتقريرة وانا اول من سيلتزم بقرارتها
مش معقول ابقى انا والاعضاء والادارة كلنا ضدك
نلتقى بعد يوم من الان وبردوا تهدى كده شوية وتتكلم بالعقل من غير ما تتجاوز حدودك وتتهم الناس بالباطل