السلام عليكم ورحمة الله
امبارح بعد ما قريت موضوع انجكشن فى الصوتيات قررت انى انزل اجيب السماعات
انا كنت نازل اجيب السماعات بس
بس الى حصل كالأتى :
خت انتيمى وهوا دكتور ومشعلل
المهم قلتله ننزل نشوف سماعتين 300 وات او 400 وات بايونير بس
نزلت محل بيقولو عليه جامد فى ناحية العجوزة ومش هقول عنوانه اصل فكسان
طلع عنده 2 سماعاة كينود 400 والخرج النهائى بتاعهم 80 وماسك على 370 جنيه مش عارف ليه
رحنا نازلين التوفيقية عند الارخص عنده سماعات بايونير وسونى بس تشكيلة الكاسيتات هناك مش مغرية بصراحة
جبنا 2 سماعة بايونير 300 وات تايلندى بالعلامة المائية الملصقة على مكان فتح علبة السماعات
اصلية اعتقد
المهم طلعت فى دماغى ساعتها اكمل العدة قلت نشوف كاسيت وانا مش مقتنع الا بالبايونير
صديقى قالى اوك ننزل توكيل بايونير فى سفنكس المهندسين
وشد يا معلم اتنين كانز ورحنا التوكيل - بصراحة توكيل حلو بس مفهوش الا عدة صوت واحدة بـ 2500 جنيه بشاشة جرافيك الوان وعرفنا منه ان كل الموديلات التانية عند الموزعين والراجل هناك فى التوكيل محترم جدا
رحنا البلدوزر الى فى احمد عرابى وكان عنده كذا موديل بس الحمد لله استقريت على البايونير 5250 وعلى فكرة عنده تقسيط وعنده هيد يونيت سونى كمان
سعر الـ 5250 = 1050 تقريبا بضمان سنة بايونير مصر ابتداء من 30 اكتوبر 2010
والسماعتين الـ 300 = 210 واصلى تايلندى بالعلامة المائية
طبعا بعد التركيب
مش قادر اوصف جمال الصوت
انا لا بحب البيز العالى ولا الصوت المشوش
بس فيه اغانى لمحمد منير مثلا مكنتش بسمع فيها تراكات معينة خالص وبقدرة قادر طلعت التراكات دى جوا الاغنية بعد تشغليها فى البايونير
الموديل ده كنت قريت عنه من فترة غير انه مخصص للـ IPHONE - IPOD
انه بيقدر يعمل decompress للملفات الـ mp3 بحيث انك تقدر تسمعها بجودة cd audio uncompressed
فيه مدخل للـ فلاشة usb بفورمات Fat 16 - Fat 32 يعنى مش لازم تجيب فلاشة خاصة لشغلك وواحدة تانية خاصة بالكاسيت
وكارت ميمورى SD ومدخل AUX للـ iphone و ipod وممكن طبعا تشغل معاه اى موبايل يقدر يعمل خرج AUX زى مثلا الـ 5800 music والـ CD
وايضا بيجى معاه الريموت العادى بتاعه مش ريموت طارة للأسف
الهيد يونيت ده فيه شاشة جرافيك بحوالى 5 خلفيات ثابتة و3 متحرك
بالنسبة للراديو فيه 4 lvl للـ Fm وكل ما زاد اللفل زاد البحث عن اى اشارة ضعيفة وتقويتها للإستماع
الوش بتاعه بيتشال ومع العلبة جراب محفور عليه بايونير لوش الكاسيت
فيه وظائف كتير للـ Audio ومنها انك تقدر تعمل Fader بين السماعات وفيه وظائف مخصصة لو انك مركب sub-woofer وGM ومداخل للصب من الكاسيت نفسه
من الخواص الجامدة
Advanced Sound Retriever
High Voltage Pre-outs
Subwoofer Control
Built in 50W x 4 Channel High-Power MOSFET Amplifier
High Pass Filter / Low Pass Filter Crossover
5 Band EQ EEQ – Easy Equalizer
مشاكل الكاسيت : اعتقد انها مش كتير بس الكاسيت لما بيكون فيه مشكلة بيكتبلك رقم الـ error على الشاشة وانت بتفتح الكاتلوج وتعرف حل المشكلة ايه او تتصل بالوكيل
بس كدا وخير يعنى
بصراحة الكاسيت اعتبرته افضل قيمة فى احسن سعر
اسيبكم مع الصور
Uploaded with
ImageShack.us
Uploaded with
ImageShack.us
Uploaded with
ImageShack.us
Uploaded with
ImageShack.us
متحويات علبة الهيد يونت بس كنت معتد انه هيكون فيه CD هدية من بايونير :D
Uploaded with
ImageShack.us
Uploaded with
ImageShack.us
وكدا تكون المراجعة انتهت والحمد لله
واتمنى ان السادة الأعضاء ينموا ثقافة مراجعة المنتجات بحيث نقدر نفيد بعض اكثر زى مواقع الهارد وير المتخصصة
هدية بسيطة 
بالنسبة لموسيقى التكنو والهاوس والديب هاوس والالكترو
كان فيه موقع جميل او مجموعة اطلقوا على نفسهم الـ beatport
انا عرفتهم بالصدفة لما كنت بجمع مؤثرات صوتية لحاجات فى شغلى
المهم الـ beatport ده بيعمل مقطوعات لافضل الفرق وترتيبها vocal + life
بمقدمة حلوة وتعليق بين كل فرقة والتانية
وللأسف منعوا الحكاية دى بقالهم مدة مش عارف ليه
انا اخترت لكم مقطوعة The Beatport 20 (2010-02-27)
christian weber هوا صاحب المركز الاول بعد المقدمة مباشرة
لو عجبتكم الحجات دى ارفع لكم البقية
بصراحة بيكون ليها وقتها
بس خلى بالك انا غير مسئول امام الله عز وجل ان شغلت الحجات دى وسقت عربيتك بالليل
حصلت معايا ولقيت العداد 190 وقررت فترة انى مسمعهاش من حلاوتها
تحياتى للجميع