المشاركة الأصلية كتبت بواسطة mohamedelnemr
السلام عليكم ورحمه الله وبركاته بعد التحيه
عاوز اشترى عربيه سيات موديل 1980 133 المهم اللى انا هشترى منه ( توكيل تانى ) والرخصه بتاعه العربيه اللى هيه بأسم صاحب العربيه الاولانى خالص منتهيه لأنى الاتنين اللى اشتروا منه منقلوش ملكيه والأول اشترى من المالك بتوكيل والتانى برده اشترى بتوكيل تانى أصبح أنا لو اشتريت اطلب منه توكيل ولا عقد مسجل مع العلم أنه لما راح يعملى توكيل طلبه منه يدفع الضرايب بتاعه 2011/2012/2013 وبرده لسه الرخصه منتهيه المهم انا عاوز حضراتكم تفهمونى اشترى ازاى واعمل ايه فى الرخصه المنتهيه بتاعه المالك الاولانى وهل هينفع انقل ملكيه بأسمى ولا هيكون فيه مشكله معايه لأنى دفعتله جزء من الفلوس وبعد كده تفاجأت بالحوارات ديه ومش عارف اعمل ايه ؟ ولكم جزيل الشكر  |
مينفعش طبعا تاخد العربية والرخصة منتهية ، لازم يجددلك وتكون الرخصة ع الاقل فيها 3 شهور او حاجة ، بالنسبة لنقل الملكية ، هتاخد اصل التوكيل " اسم صاحب العربية اللي فى الرخصة " والتوكيل التاني بتاعك ، وتسجلهم فى الشهر العقاري باسمك ، بعدها بتروح المرور وتتبع الاجراءات هناك.