يا جماعه اسمحولى اتدخل فى هذا الموضوع لانى لفيت كتييييييييير ودخلت اكتر من بنك للسؤال عن انظمة التقسيط عموما والتقسيط الاسلامى خصوصا
اهم حاجه فى التقسيط الاسلامى
ان البنك هو اللى يشترى العربيه من الصاله مش انت والتعامل كله يبقى بينك وبين البنك
لان 90 فى الميه من البنوك بتدفع المبغ المتبقى بعد المقدم اللى بتدفعه انت للصاله ويستفيد البنك بفايدة الاقساط
وبالتالى يبقى البنك باع لك ما لايمتلك وده بيدخل فى الربا
تجربتى الشخصيه
انا جربت كذا بنك منهم كريدى اجريكول والبنك الوطنى للتنميه وبنك ابو ظبى الاسلامى والبنك التجارى الدولى وبنك التنميه والائمتان الزراعى فرع المعاملات الاسلاميه
والاخير ده كان ابعد حاجه عن الشبهات
مميزاته
اولا - لا يحسب نسبة فائده ثابته على الاقساط ولكن بنظام التجاره بمعنى انه بيسالك على تمن العربيه وتقدر تدفع قد ايه مقدم وبيقولك انا هاديهالك بكذا
ولو جيت حسبت الفايده هاتلاقيها تقريبا 7.5 فى الميه
ثانيا - المقدم بيتدفع للبنك مش للصاله يعنى التعامل كله مع البنك
ثالثا - البنك هو اللى بيستلم العربيه من الصاله مش حضرتك
رابعا - البنك هو اللى بيأمن على العربيه مش الصاله
يعنى الملخص المفيد ان تعاملك الوحيد مع الصاله انك تجيب منهم عرض السعر فقط وباقى التعامل مع البنك
وده عن تجربه شخصيه للافاده فقط
واسف على الاطاله