المشاركة الأصلية كتبت بواسطة pointer
منور يا باشا
ايوه ما هو موجود في النت عادي بس انا باحاول فتح قسم مخصص لل دفع الرباعي يعني طرق القياده و المحاذير و الكماليات والتجهيزات بتاعته و كدا بحيث بعيد عن الماركه نقدر نفيد الناس بتاعه ال\فع الرباعي بدل ما كل حاجه موجوده في قسم من الشركات وخلاص
نورت مره تانبه و طبعا المشاريب عليك
|
اكيد طبعا مجهود مميز من شخص مميز وغالى علينا كلنا ..
بس الترس التفاضلى او (الكرونة) مش موجوده فى الدفع الرباعى والخلفى بس ..
لكن موجوده فى الدفع الامامى برضو ولكن مدمجة مع الفتيس (جوا الفتيس)
ولكن الجزء ده مهم فى العربيات الدفع الرباعى جدا لانها بتحتوى على 3 كرونة فى اغلب العربيات ..
والكرونة التالتة دى بتفاضل ما بين القوة اللى رايحة للمحور الخلفى والامامى ...
الكرونة طبعا مفيدة جدا على الطرق المسفلتة ولكن فى بعض الاحيان تسبب مشكلة فى الرمال ..
لان العربية لما بتغرز فى الرمال ممكن عجلة واحدة تفضل تلف (ع الفاضى ) والتانية تقف ...
علشان كده عملوا انظمة حديثة للغلق الكرونة فى حالة الغرز فى الرمال (LOCK DIFFERENCIAL)
وباذن الله هحاول اساعدك فى عمل مواضيع عن الدفع الرباعى باستفاضة (لو تسمح لى طبعا) ..
وتحياتى ليك مرة تانية ......