[بيرو]

الاخ ديفيل

اعتقد ان مهما كانو الليبين وحشين .... فاهمو احسن من كل دول الخليج

على الاقل مافيش كفيل ولا حد بيتحكم فيك

لكن كلام حضرتك فى شىء من الصحة وهو ان المصريين مهانين

انا معاك تماما .... بس دة مش الحال مع كل المصريين ... ومش من كل الليبين

دة حال مصر كلها والمصريين كلهم فى كل مكان فى العالم

فى بعض الليبين بيعشقو المصريين

وما يحبوش يشغلو الا المصريين

لكن الكراهيه دى سببها حاجتين مالهمش تالت

الاول ... هو الاعداد المهولة للمصريين فى ليبيا والاسف معظمهم معدومى الكفاءات وبالتالى بيدورو على اى حاجة تجيب مصاريف سفرهم وممكن جدا يلجأو للنصب والسرقة فى بعض الاحيان وكمان ممكن جدا يقبل الاهانة من اى حد سواء ليبي او غير ليبي

السبب التانى ... الليبين متغاظين من مصر والمصريين جدا لانهم شايفينهم فى الشارع مش لاقيين ياكلو ... وفى التليفزيون مصر هى امى وام الدنيا واحلى بلد والكلام العظيم بتاعنا دة
دة بيخلق حاجة من اتنين جوة نفوس الليبين (وممكن جدا تحسها بسهولة من خلال تعاملك معاهم) ..... الاولى لما انتو حلوين كدة اية اللى جايبكو تشتغلو عندنا ؟؟؟
والتانية حصرة ويأس على اللى وصلتلة مصر ؟؟؟؟؟


بالاضافة الى حاجة تانية عامة على كل العرب
الاجيال الجديدة اللى طالعة لاتعرف مصر ولا يهمها مصر لكن يعرفو انها من افقر الدول العربية وما شافتش الريادة والعظمة والكلام الجامد دة ..... دة بالاضافة الى جهلهم الشديد والتفاهه والسطحية شأنهم شأن كل شباب العرب