رد: عايز تدخل مشروع ايجار السيارت
أستاذ سيف
شكرا على مجهودك
وأنا ليا مجموعة أسئلة أرجو الرد عليها لو تسمح؟؟
أنا لى أخ يعمل فى إحدى الشركات الكبرى والتى تقوم بتأجير سيارات من المعارض وتسليمها للعاملين والمهندسين لديها للقيام بمأموريات خارج القاهرة بجميع المحافظات طبقا لجدول العمل.. وعرض على أخى أن أقوم بشراء سيارتين لتأجيرهما: كيا سيراتو 2010 أوتوماتيك فول أوبشن بدون سائق لأحد المديرين بالشركة وبإيجار شهرى 4000 جنيه وغالبا داخل القاهرة فقط وخاصة بتحركات المدير ، والثانية فيرنا 2009 مانيوال فول أوبشن بالسائق للسفر خارج القاهرة للعمال والفنيين وبإيجار 3000 جنيه.
طريقة الدفع: تم الإتفاق مع أحد المعارض كى يقدم لنا فاتورة باسمه ليها سجل تجارى وبطاقة ضريبية عشان نقدمها للشركة وتطلع لينا شيك بالمستحقات باسم المعرض ده. وده نظير مبلغ بيستقطعه المعرض وناخد احنا بقيت فلوسنا.
أسئلتى: أولا هل هذه الأسعار مناسبة حيث أنهم لايدفعون سوى البنزين لتحركاتهم فقط وانا أتحمل كل شئ مثل السائق والصيانة والتأمين؟؟؟؟
ثانيا لاتوجد أية عقود بينى وبين الشركة لضمان حقوقى خاصة السيراتو حيث سلمتها بدون أية محاضر تسليم وليس معها سائق مثل الفيرنا لأطمأن عليها وغالبا كل العربيات اللى شغالة فى الشركة بدون عقود أو ورق.
لما جيت أعمل عقد قابلتنى مشكلة مين المالك أنا ولا المعرض اللى بيطلع منه الفاتورة ولو عملته باسم المعرض هيطلب منى فلوس تانى وحينها فين حقى أنا؟؟ فما هو التصرف المضبوط فى هذه الحالة؟؟؟؟
وشكرا
|