مساء الخير
انا بعد ما شفت شكوى عضو فاضل هنا من التوكيل قلت انا كمان اقول على شكوتى
علشان نفهم فية اية بالظبط
انا ساكن جب التوكيل مسافة لا تتعدى 500 متر
وكنت بشتكى من الشنطة كالعادة و كنت محتاج اظبطها علشان بشيل غطاء العربية فى شنطة العربية و كنت بتخانق معاها كل ما افتحها
و عضة فى الفتيس فى من الغيار الاول الى التانى و الرجوع
و الكشاف الواطى اللى ضارب فى عين الناس
المهم
الاستقبال جيد جدا
اول ما دخلت بالسيارة و بعمل امر التشغيل الساعة 10.10 لبسو كرسى السواق كيس و حطو ورقة على الدواسة
و سبتها هما خدوها و حطوها فى الصف المكان كبير جدا جوة المركز فالانتظار داخل المركز و ليس فى الشارع و كمان بيجربو العربيات جوة و طريق ممهد و طريق غير ممهد لتجربة السيارة
الجو رايق هناك و كان قدامى حوالى 5 عربيات
نص ساعة و العربية دخلت و طلعت بعدها بنص ساعة -- طلعو العربية برة
المفاجأة
و انا رايح استلم العربية لقيت الشنطة بقت شوارع و اللة تشجع اى حرامى على سرقة العربية علشان صاحبها ناسى الشنطة مفتوحة
باب الشبطة عالى عن الجناب و فروق رهيبة بينها و بين الكشاف و من عند الاكسدام شوفت كل اللى فى الشنطة بس الصراحة تتقال الشنطة بقت ملبن ههههههههههههه
جيت اسوق و ادخلها تانى للصيانة كل دة جوة الفرع ليقت صوابع شحم بطول التبلوة و اللة العظيم زى ما يكون عند وواصلة لحد الكرسى اللة جنب السائق لحد تحت
خدها و رجعت و زعقت على الشحم و الشنطة جة رئيس الورشة انسان محترم
نادى على الصنايعى علشان تتعمل تانى
قعدت اكتر من ساعة من غير ما حد يمسها و لما رحت عملت مشكلة 10 دقائق و جابوها تانى
شكلها اتظبط زى الاول تانى قلت اجرب لقيتها رجعت زى الاول تانى بتترزع
و قالولى روح فرع العياسية لمهندس اسمة حسام يظبطها هناك
و انا فى الاستراحة قابلت سواقين تاكسى و احد عامل 190 الف و بردو بيجى
قالى محدش فاهملها حاجة لسة هو و غيرو كتير و حكالى
العربية كان لما يوصل الى 100 كيلو العربية بترج منة جامد جة التوكيل و بقا يجربو فية على كذا مرة و دفع 4000 جنية و فى الاخر طلع طاسة الجنط ملوح بسيط من خبطة فى الرصيف
وواحد تانى العربية جالها فيرس عفرتلة العربية و جاى يشيلة
جديدة صح
انا مكنتش مصدقة بس ناس قلتلى كلامة صح -- عربية غربية
هبيقى احط لعربيتى انتى فيرس او ابقى اروش بيرسول
و فى من كدة كتير كل واحد و مشاكلة ما انا طولت و مشيت الساعة 12.40 و الجو رايق
و انا مروح عديت على سمكرى معرفة و حكيتلة على اللى حصل قالى هعملهالك
حاول معاها و ظبطها من القفل اللى فى الشنطة ريح المسامير ظبط القفل على المكان و ربط تانى و بقت زى الفل من غير فروق بس زعلنى فى حاجة
البهوات فى التوكيل علشان يرضونى دقو على حروف الشنطة اللى جنب الرفرف فوق علشان لما مشيت ايدى اول مرة علقت على الفرق فدقو عليها علشان حرف الشنطة ميبنش انة بارز
تعليقى
معظم اللى فى التوكيل شباب صغير من سن 18 25 سنة و من اهالى المنطقة
مشكلة التوكيل ان كل اللى عايز يشتغل بيشتغل مش بيحبو يقطعو عيش حد بس دة على حساب اسم الوكيل لان كل اللى بيشتغل معندوش خبرة بالسيارة فابميفهمش حاجة فى العربية
اسف على الاطالة بس انا جنب اللى بشوفة انا ولا حاجة و ربنا يستر فى اللى جاى
انا بعد كدة هروح على القطامية علشان سمعت ان رئيس مجلس الادارة و ابنة بيبقو هناك و ربنا يهدى