30-06-2011, 10:04 AM
|
|
|
تاريخ التسجيل: Jun 2011
المشاركات: 127
|
|
مشوار اللوجان
السلام عليكم اعضاء مصر موتورز المحترمين
اخباركم ايه ؟؟
ارجو ان تكونوا بخير دائما .
فى بعض الأسئلة و الأستفسارات مازالت الناس بتتحدث عنها او قلقانة من العربية بسببها .
1- اللى يجيب الرينو الله يعينو .. الرينو قطع غيارها نـــــار نـــــــــــار و مولعة و عربيات معقدة و محدش بيعرف يشتغل فيها .
ج- اللوجان حظها افضل من باقى سيارات رينو العربية بتتميز ببساطة شديدة و يسهل على اى ميكانيكى فى مصر انه يشتغل فيها يعنى زيها زى الفيرنا و الانوس .
العربية انتشرت بشكل رائع و اكتسحت السوق و كمان خلصت من السوق و دلوقتى اللى بيروح يحجز بيستلم بعدها بشهر على الأقل نتيجة ان نسبة الحجز عليها مرتفع جداا .
انما بخصوص قطع الغيار فالعربية نزلها قطع غيار خارج التوكيل و فى مختلف المحافظات و اسعار قطع الغيار مقاربة للأسعار قطع غيار الانوس .
و على فكرة قطع الغيار غالية فى التوكيل علشان فرنساوى اصلى و عليها ضمان لمدة عام و من قلب التوكيل نفسه يعنى حضراتكم لو قارنتوا بين اسعار قطع غيار الانوس الكورى الأصلى و من قلب التوكيل و قطع غيار اللوجان الفرنساوى الأصلى و من قلب التوكيل هتلاقوها متقاربة مع ان قطع غيار اللوجان فرنساوى و قطع غيار الانوس كورى يعنى قطع غيار اللوجان معمرة اكثر .
انما بخصوص سعر اعادة البيع فالعربية بتتباع و تتشرى زى الحلاوة من عند البقال و سعر اعادة البيع زى الانوس .
2- موتور اللوجان 8 صباب 90 حصان و دى حاجات فى بعض الناس بتقلق منها .
العربية فعلا 90 حصان , 8 صباب و موتورها هو نفسه موتور الميجان1 و بعدين مش مأثرين على اداء العربية اطلاقا العربية ادائها جبار و الحمد لله و بتشد مع سيراتو و كورولا و اوكتافيا و لانسر و غيره و بتثبت نفسها و بجدارة و المعروف عن اللوجان انها بتجيب 180 بسهولة تامة و انا واحد من الناس جبت بيها 100 - 120 على التالت و 150 - 160 على الرابع و 190 على الخامس و كانت ثابتة و فى هدوء تام و كمان موفرة و اقتصادية جداااا فى استهلاك البنزين و التسارع بتاعها هايل من 0 - 100 خلال 11.5 ثانية .
3- الأبشنز بتاعة العربية جــــــــامدة جداااا من كمبيوتر رحلات للأير باج و غيره من باقى الكمليات و تكيفها ثلاجة و الكل اجمع على كدة .
4- مستوى الأمان فيها عالى جدااا العربية حاصلة على 3 نجوم من 5 نجوم فى اختبار السلامة الأوروبى و فيها اير باج و نظام ايموبيلايزر ولا يمكن تدويرها الا بمفتاحها الأصلى و مصفحة من تحت و كل يوم بنكتش فيها حاجات جديدة .
5- بالنسبة فلتر التكيف اللى فى عربيات و عربيات لأ اللوجان موديل 2009 لا يوجد بها فلتر للتكيف الفلتر مزودج فقط فى موديلات 2010 - 2011 انما موضوع فلتر البنزين اللى فى عربيات و عربيات لأ فدى بعض الأشاعات يطلقها المنافسون على السيارة لوجان لأن مينفعش عربية تمشى من غير فلتر بنزين .
6- فى بعض العربيات فيها عضة فى الفتيس سواء مع الغيار الأول او المارشدير او الأثنين معا فدة عبار عن عيب فى مجموعة التروس الخامسة فى بعض موديلات 2009 - 2010 و التوكيل بيحلها بتركيب البريك , انما موديلات 2011 لا يوجد بها هذه المشكلة .
7- فى بعض الناس اشتكت من وجود حرارة او سخونية بتطلع من عند الدوسات و دة موجود فى بعض موديلات 2009 - 2010 و التوكيل بيحلها بتركيب عازل انما موديلات 2011 لا يوجد بها هذه العيوب .
دى بعض العيوب موجودة فى بعض العربيات و مينفعش نحكم على كل العربيات اللوجان من خلال عربية او اتنين فيهم هذه العيوب , و بعدين هذه العيوب مش جوهرية و التوكيل بيحلها فمفيش داعى للقلق .
8- بخصوص ارتفاع العربية عن الأرض اللى بشكل غير طبيعى فدى ميزة فى شوارعنا اللى مليانة نقر و مطبات فى كل حتة و مش مأثر على ثابات العربية انا جبت بيها 190 و كانت ثابتة و بغرز بيها على 140 و مبتقولش لأ .
9- العربية تتميز من الداخل ببساطة شديدة مع مواد محترمة جدااااا و مساحة الصالون واسعة يشكل رهيب و شنطتها ينام فيها فيل 510 لتر ما شاء الله
10- بالنسبة للعفشة ملهاش مكان للتشحيم و دة موجود فى كل سيارات رينو .
11- بخصوص اماكن ازرار الكهرباء و الكلاكس
البعض يراه انه مستفز و لكن رينو لها عادات و تقاليد فى عربيتها لتميزها عن اى عربية المانى او يابانى او كورى او ماليزى و كمان الرينو داستر نفس النظام .
12- كاسيت العربية اوديو و مزود بأربع سماعات نقية و محترمة .
13- الباور تقيل شوية لكن مخلى العربية ثابتة بشكل رائع على السرعات العالية .
14- عافشة العربية ناعمة جداااا و متحسسكش بالمطبات نهائى و كأنك جالس على ريشة .
15- دبرياج العربية ناعم جدااا و يعد افضل دبرياج لمسته فى حياتى .
16- صوت النوتور العالى نسبيا خارج العربية انما و انت قاعد جوة العربية مش هتسمع صوت للموتور نهاءى بصراحة عزل العربية محترم .
17- اللوجان المغربى لا يوجد بها فرامل ABS انما فراملها قوية جدا و محترمة و كمان فيها اير باج واحد للسائق .
18- طبعا كلنا عارفين ان العربية معفية من الجمارك و لو نازلة بسعرها الأصلى مكنتش قلت عن 85000 جنيه هى رخيصة علشان اتفاقية اغادير مش اكثر و لكن فوجئنا بالدفع الأتحاد اوروبى اللى منزلها التوكيل ب 77000 جنيه للفول ابشن و ساعتها كل الناس اثارت و قالت ازاى المغربى معفية من الجمارك دة كدة اسمه ناصب راسمى فاهمى ناظمى فاوزى
و لكن بعد الرجوع لمسئولى التوكيل افادوا بأن السيارات اللوجان الرومانى و هى بالتحديد عدد 60 سيارة هى جزء من صفقة كبيرة جدااا تم استيرادها و تقرر عرض هذه الكمية المتبقية للجمهور و لكن بسعر مميز تم داعمه بواسطة فرانسا و بواسطة التوكيل للأمتصاص فارق الجمرك المحتسب على السيارة الرومانى و بالتالى تم احتساب السيارة للعملاء بسعر المغربى مع اضافة تكلفة الفرامل ABS و الوسادة الهوائية فقط كنوع من العرض الترويجى حتى نفاذ الكمية و ايضا افادوا المسئولين انها فرصة للتعرف على مدى الطلب على هذه الكمليات استعدادا لطلبها فى حالة امكن القول بأن نسبة كبيرة من العملاء يرغبون فى فرامل ABS و وسادة هوائية مع زيادة فى السعر تقدر ما بين 4 - 5 الاف جنيه .
فى النهاية اسف على الأطالة و انا قولت كلمة حق و بدون انحياز و ربنا يعلم و دة رأيى و اخلاف الرأى لا يفسد للود قضية و متقبل اى نقد عن العربية لأن دى ازواق و لو اتفقت الأزواق لبارت السلع و تقبلوا خالص تحياتى .
|