[فادى]

المشاركة الأصلية كتبت بواسطة MosTafaFox شكرا يا شباب والله ماقصرتم مجهود رائع يا استاذ فادى بس انا عايز اسال حضرتك واستاذ سمرم ببساطة كده يعنى انا سايق عربية عادية ومش رياضية ودفع امامى وفوجئت بملف جامد قدامى ايه التصرف الصحيح علشان انا بدات اتلخبط يعنى افرمل ولامفرملش ولا اعمل ايه افيدونى بارك الله فيكم

فى هذه الحالة, لازم تبقى خطتك هو أقل قدر ممكن من الانزلاقات و تبدل الأوزان,
يعنى تحاول تلف بأكبر زاوية دوران ممكنة فى الملف بحسب امكانيات الطريق و حالة الشارع للحد من تبدل الأوزان زى ما هو مكتوب فى الموضوع.
الحرص على عدم استخدام الفرامل أثناء الانعطاف لأن الفرامل تؤدى الى تبدل سريع للاوزان من الخلف الى الامام, و بكده هيفقد العجل الخلفى الثبات و تدور السيارة حول نفسها أو "تعرض".
ممكن استخدام الفرامل لتهدئة السرعة قبل الانعطاف لكن يجب تركها لما تيجى تلف الدركسيون.
و طبعا متدوسش بنزين خالص أثناء الانعطاف لتجنب مشكلة الاندير ستيرنج.
يعنى فى الحالة اللى انت قلت عليها, لو عندك مساحة لتهدئة السرعة قبل الانعطاف استغلها قدر الامكان, ثم حاول الانعطاف بسرعتك الحالية من اوسع زاوية ممكنة بحسب نوع الملف و بدون استخدام الفرامل , خاصة انو عربيتك دفع امامى.

كان لى تجربة سيئة مع ال128 لما انعطفت فجائيا مع استخدام الفرامل, و كانت النتيجة الدخول فى رصيف على سرعة تقترب من ال60 كم و ربنا ستر.