السلام عليكم ...
اليوم .. تم بحمد الله الانتهاء المبدئى من شغل سمكرة البارومة الى كانت فى السقف ....
النتيجة ... اقل مما كنت احلم بيه ... نقص خبرة اهم الاسباب ... بس انا اتعلمت حاجات كتير جديدة بالنسبة لى ...
دى صورة اول الباتشات ... و دى كانت القصة الكبيرة .. و الغلبة الكبيرة ... بس اعطت افضل نتيجة
تم تسقيط الباتشة داخل فتحة الصاج و تم لحامها
و علشان اعرف امسكها ... لحمت مسمار فى نصف الباتشة .. و شلته تانى لما خلصت لحام
دى منطقة جديدة اكتشفتها النهاردة ... قطعت الصاج المصدى .. نضفت حواليه ... و المرة دى .. لحمت الباتشة فوق فتحة الصاج ... اسهل فى المسك ... بس ادتى نتائج مش مرضية
دى المنطقة الصغيرة .... صعوبتها انها فى نهاية السقف الصاج .. و قريبة جدا من بقية السقف الفيبر ... فمش حينفع فيها لحام الاكسجين .... ده غير انها كانت فى منتصف السقف فبعيدة عنى ...
دى صورة مجمعة للمناطق الثلاثة
ان شاء الله حنضف و اجلخ بالصاروخ و حشيل كتل المعجون القديم و امعجن مرة اخرى بمعجون الفايبر