المشاركة الأصلية كتبت بواسطة AboNoRa
بصراحة يا حازم العربية جميلة فعلاً وانا جربت المانيوال سحبها حلو ومتحسش انها تقيلة خالص او ان ده حجمها
تسلم ايدك يا حازم ريفيو جامد ptmnlo123per112
|
الله يخليك يا ابو نورا
هيا فعلا مش تقيله بس الاوتو بتاعها كنت متوقع منه اكتر من كده
يعني لما اشد مع ياريس مانيوال مع واحد قريبي كان المفروض اعدي منه للاسف ما عدتش رغم انه مش حريف سواقه اوي
بس بجد كمجمل عربيه لذيذه و جميله
المشاركة الأصلية كتبت بواسطة cupo
هو دة الكلام يا حازم
مستني تجربيه ال bmw ptmnlo123per112
|
اوك يا كابو استني تجربه البي ام الفئه التالته
بس افتكرها كويس بس لاني جربتها في الامارات و عاوز اجمع كل الاحاسيس تاني
المشاركة الأصلية كتبت بواسطة فادى
تقييم جميل يا حازم باشا,
و هى فعلا أفضل هيونداى متوفرة لدينا,
بس مقلتلناش ماذا عن ثباتها؟ رغم انى عارف انو لا مجال للحديث عن الثبات فى سيارة من نوع MPV.
|
فعلا يا باشمهندس من يوم ما طلعت الماتريكس و انا بقول انها حاجه تانيه غير اي هيونداي
كفايه ان بقالها في السوق 4 سنين و قليل لما تلاقي منها عربيه حالتها تعبانه بعكس النيو اكسنت مثلا بتتبهدل بسرعه موووت.
بالنسبه للثبات ف انا ما جبتش بيها ازيد من 120 او 130 و كانت موزونه معايا و فراملها كويسه جدا
ما بتحدفش العربيه لا شمال و لا يمين بالرغم من عدم وجود abs او ebd
المشاركة الأصلية كتبت بواسطة sam ram
ايه يا حازم باشا الجمال ده ....
ده التقرير خلاني احب العربيه اكتر و اكتر ...
مع ان الفتيس الاوتو غبي غباء .. اكتر من غباء هاني رمزي في غبي منه فيه ...
بس فعلا العربيه دي كمجمل مقارنه بمواصفات غبور للسوق المصريه ... هااااايله
انا يمكن مرضيتش اعمل تقرير عنها علشان مكونش متحيز ليها .... بس بصراحه احييك على كل كلمه و حرف كتبته ...
الكنبه كأنها كرسي بالظبط .. بتطلع لقدام و لورا و بالتالي ممكن تكبر حجم الشنطه ptmnlo123per154ptmnlo123p er154
و ضهرها بيرجع زي ضهر الكرسي .. وقاعدتها عاليه ... مريحه جدا للرجلين
وتحت الكنبه في درج ... بس طبعا علشان توصله لازم تلم الكنبه كلها (الضهر بالمقعد ) في ضهر الكراسي
متوسط استهلاك الاوتو اللتر يعمل 11.5 ل 12 كم .. يعني الصفيحه 240 كم تقريبا ..
بس بصراحه مقدرش انصح اي حد بيها دلوقتي مع سعرها الجديد ... و افضل ارشح الالنترا او السيراتو الجديده طبعا طبعا ptmnlo123per172
يعني ايه ثبات يا بشمهندس فادي ؟؟!!! ptmnlo123per160
لا بجد ... زي ما حضرتك قلت ... مفهوم الثبات لل MPV مختلف تماما عن اي عربيه سيدان ...
لكن ... الماتريكس عفشتها مش عاليه ( الخلوص 16 سم ) .. لكن سقفها و كراسيها هما اللي عاليين ...
وبالتالي العربيه بتدي ثبات كويس .. لكن الاحساس بالثبات هو اللي ضعيف نتيجه طبيعه الجلوس المرتفعه ...
لكن فعليا .. انا اخدت بيها ملفات بسرعات اعلا من السيينا لأن السيينا توزيع الوزن كان سيء بعكس الماتريكس ... و بالرغم من كده كنت ببقى حاسس بالسيينا في الملفات ... بعكس الماتريكس ... وده اللي يخوف منها ....
حد فهم حاجه ... ptmnlo123per1127
الله ينور يا حازم بااااشا ...
|
الله يخليك يا سامح باشا
انا حبيتها اكتر لاني عارف انك مش بتركب عربيه اي كلام
العربيه عمليه جدا جدا و انا اختصرت كتير في التقرير عن العملانيه عن غير قصد
يعني الرف اللي موجود في الكرسي الخلفي زي رف الطياره و مخرج الطاقه اللي في الشنطه و حاجات كتير
نسيتها ما كتبتهاش في التقرير.
انا فاهم قصدم بالنسبه للثبات و المقارنه بالسيينا لاني حسيت كده
العربيه ما عملتش معايا اي حركه غدر حتي لما فرملت بس القاعده العاليه و تخيلي لمنظر العربيه عند الفرامل الجامده حيبقي شكلها ازاي
هو دا اللي خلاني مقلق منها شويه
احساس نفسي مش اكتر متهيالي دا قصدك صح؟؟
هيا تمنها بقي عالي اوي فعلا المفروض غبور بيه ينزله شويه
بجد بجد تستاهل كل الانتشار اللي هيا فيه دا
المشاركة الأصلية كتبت بواسطة AHMEDCAR
حزوووم حبيبى طول عمرك خبره و بتحب هيونداى علشان انت عارف لو محبتهاش هاعمل فيك ايه
و بمناسبه الجنوط ممكن تلاقى واحد استعمال عند بتوع اليابانى
|
الله يخليك يا ابو حميد
انا رأيي ننزل الحرفيين ليله القدر ندور علي الجنط و الطاسه بالمره هههههههههه