رد: تقسيط السيارة من بنك ناصر الاجتماعي
ارجوا من السادة الأعضاء عدم التعامل مع معرض ستوب ا كار للسيارات اللى بيتعامل مع بنك ناصر الإجتماعى بشارع مصطفى النحاس حيث ان لى تجربه مع هذا المعرض لأننى كنت عايز اجيب عربية سبرانزا تيجو من عندهم تبع بنك ناصر فوجئت بأنهم مزودين على سعر العربية 2600 جنيه ولما سألت قالوا الف جنيه لحجز العربية علشان فيه قائمة انتظار ، والف وخمسمائة جنيه علشان دى نسبة بياخدها البنك ، وعن التعاقد فوجئت بأن البنك ميعرفش حاجه عن الالف وخمسمائة جنيه دول وقالى الموظف المسئول احنا مبناخدش حاجه ، ولما سألت عن عن الإنتظار عرفت ان ده وهم ، ولما جيت استرد 1000 جنيه قيمة التأمين خصموا منى 500 جنيه .
ورحت عملت التعاقد مع عيسى للسيارات وخدت اللون اللى انا عايزه وبسعر 82900 فى حين ان سعر العربية الى حسبه ستوب كار 85500 ، بالإضافة إلى ان شركة التامين عندهم 2.6% من قيمة السيارة وعند ستوب 3.5 % من قيمة السيارة
دى تجربتى مع الشركة ونقلتهالكم بكل امانه وأقسم بالله هيا دى الحقيقة والله على ما اقول شهيد .
نسيت اقولكم على شلة البياعين النصابن اللى عندهم واولهم صاحب الشركة العميد عبد السلام ، وواحد فى المبيهعات اسمه محمد جمال .
|