[حمدي 84]

المشاركة الأصلية كتبت بواسطة alymonir المشكلة ان عندي في الحمام كمثال الفواصل كانت فيها جبس و بينزل لما تكرر عليه ظفرك و ينزل بودرة ( ارضيه و حيطان ) ف اتذاكيت و قلت حاعملها لوحدي و جبت حد يساعدني و اشتريت 5 كيلو اسمن ابيض و توكلت على الله و ليست الدنيا من غير ما أفتح و لا غيره كان الوضع قبل كدة احسن دلوقتي الحمام كله متلطش بواقي أسمنت على الحيطة و الأرضية العرانيس طافحة أسمنت ابيض و عرضها حوالي 1 سم يعني خرافة في حل يا دكتور ؟؟

انا طبعا مقدرش اقول انه مش جبس انت ادري لانك انت اللي شايف لكن انا كنت عايز اقول ان كلامك ممكن يدل علي انه سقي ناشف والجنب كان نشف فبالتالي تنزل زي البودرة كما قلت لان شرط السقيه ناشف ان الجنب يكون طري لان الاسمنت الابيض بيشرب من مياة المونه اللي البلاطه ركبا بها انما يسقي بجبس دي يبقي حضرتك ما جبتش صنايعي بلاط؟؟؟؟وطبعا اللي انت عملته خطا وعلشان تتحمل نتيجة خطأك الاول لازم يكون عندك صبر ولو معندكش اتعلم لان علقبته حلوة وتستاهل المهم هتجيب فلاش وترش علي المكان المراد تنظيفه وتتركه 5 او10 دقائق وتدعكه بسلك مواعين وبالنسبه للفواصل ممكن تستخدم سكينة معجون اومفك لازالة الاسمنت الزائد وربنا يصبرك ويعينك هو دي الحل اللي اعرفه الان ومعلش اني طلعت في دي تمرجي بل اقل