رد: الكربراتير - مشاكلة - وطرق فحصه واصلاحة
موضوع رائع ..... و للأسف انا مشفتهوش لما جيت افك الكربراتير بتاعى
مشكلتى .... العربية كانت بتطفى لما اشيل رجلى من على البنزين
الموضوع ده كان بيحصل فى الاول و العربية باردة ... و مبيحصلش و العربية سخنة ... يومين تلاتة و بقى بيحصل و العربية باردة او سخنة .... و لما بشيل رجلى علشان اغير السرعة .. لو ملحقتش ادوس على البنزين .. العربية تطفى و انا ماشى
اتكلت على الله و قلت افك بك السلانسيه و انظفه ... اكيد مسدود ( انا كنت بعمل كدة فى ال 132 )
لم اجد اى مسامير تتفك !!!!!
قلت افكه كله و انضفه .... لقيت مياه جوة الردياتير !!!!!!! و وجدت وساخة فى كل حتة
نضفته و رجعت ركبته تانى
المشكلة لما بدور .... العربية تدور ... و بعد كدة تتخنق و تطفى
احد الاعضاء قال ان الكاربراتير واخد هواء .... فكيت تانى وجدت انى كنت مركب الجوان الى بين الكاربراتير و بين الموتور غلط ... و كمان كنت سايب كل بورتات الكربراتير مفتوحة
قفلتها ... و العربية دارت و الحمد لله ... هى محتاجة تتظبط شوية
__________________
|