[borio1704]

حضرتك عايز الجنوط لمجرد الشكل ولا عايز ثبات أحسن؟؟

الموضوع يفرق كمان حسب استخدامك للعربية شكله إيه، لإن الجنوط الاسبور معمولة من مواد خفيفة الوزن (ألومنيوم ومغنيسيوم)، وغالبا المواد دي ما بتبقاش قوية ومرنة زي الحديد

فلو ناوي تمشي في شوارع مطباتها قوية فالأحسن تنسى الفكرة أساسا، إنما لو المواضيع هتبقى مسالمة فأنا أشجعك.

لو هتجيب نفس مقاس الجنط الحديد يبقى مفيش مشكلة نهائي، ومفيش كمان تأثير على العفشة لو ركبت نفس مقاس الكاوتش الأصلي

لو عايز تكبر قطر الجنط.. يعني 14 أو 15 بوصة، ده تأثيره على العفشة ضعيف نسبيا بس يمكن هتحس إن العربية نشفت في المطبات...
إنما المشكلة بتبقى في مقاس الكاوتش اللي هتضطر تعرضه كده كده، والكاوتش العريض غالبا بيأثر على نظام التوجيه (الاسكاترا والبيضات) لإن الاحتكاك بتاع الكاوتش هيبقى أعلى.

بالنسبة لمقاسات الكاوتش المناسبة للشاهين فهي كالتالي:

جنط 13
175/70R13 (الأصلي)
185/65R13 - عرض الجنط: 5 - 6.5 بوصة
205/60R13 - عرض الجنط: 5.5 - 7.5 بوصة


جنط 14
185/60R14 - عرض الجنط: 5 - 6.5 بوصة
195/55R14 - عرض الجنط: 5.5 - 7 بوصة
205/55R14 - عرض الجنط: 5.5 - 7 بوصة

جنط 15
195/50R15 - عرض الجنط: 5.5 - 7 بوصة
215/45R15 - عرض الجنط: 7.5 - 8.5 بوصة

ولو عايز مقاسات تانية (جنوط 16 أو 17 أو 18 بوصة) أنا جاهز


طبعا.. معظم الأنواع اللي في السوق يا إما صيني أو إندونيسي ... والإندونيسي أحسن حسب آراء الزملاء هنا في المنتدى

الأسعار بتبدأ من 1000 جنيه للطقم الصيني المتواضع... وممكن توصل لـ10-20 آلف جنيه أو أكتر للطقم الأوروبي المحترم

ده طبعا غير سعر الكاوتش



...