[تامين سيارات]

المشاركة الأصلية كتبت بواسطة keeko السلام عليكم استفسار هام و ضروري انا عندي عربية اشترتها من 5 شهور ب 69 الف و نص و انا دلوقتي عايز أئمن عليها عايز اعرف العربية هاتتقدر بكام دلوقتي؟؟ و مبلغ التأمين اللي هادفعه كل سنة كام بتحمل او من غير تحمل <و ياريت تقولي الفرق بينهم بالتفصيل>؟ هل مبلغ التعويض عن أي حادثه اعملها لازم يكون عن طريق محضر ولا لأ؟؟و بيتصرف بعد اد ايه؟؟ و هل لو عملت حادثه ووديت العربية للتوكيل عشان تتصلح..هل انتوا بتتعاملوا مع التوكيل بينكوا و بين بعض ولا انا بدفع الفلوس و بعدين يطلع عيني عشان اخد الفلوس منكوا؟؟ و اخيرا الأوراق المطلوبه و مقر الشركة ارجووووو الرد سريعا من حضرتك علشان فعلا مستعجل علي موضوع التأمين ده

السلام عليكم و الف مبروك على السيارة

السعر بيتحدد على موديل السيارة ياريت اقولى موديل كام و نوعها اية

التامين بتحمل 4 فى الالف يعنى لو العربية مثلا ب100.000 تدفع على كل حادث 400 جنية
التامين بدون تحمل ما تدفع ال 400 جنية
لا فرق بين النوعين فى شروط الوثيقة او المميزات الفرق الوحيد همة التحمل فقط و هذا لتخفيض سعر الوثيقة مقابل تحمل نسبة 4 جنية لكل الف من مبلغ تامين السيارة

التوكيل انت بتحاسب و بتجيب فواتير و بيطلعلك بيها شيك فى خلال 3 اسابيع
لو تعدت التكلفة 10.000 جنية بتعمل محضر شرطة لو اقل الاصلاح بدون محضر

الاوراق المطلوبة للتامين على السيارة رخصة السيارة و السيارة نفسها للمعاينة

مرة اخرى الف مبروك