رد: أوبشنز غير موجوده فى التيدا
اولا بحيي اي انسان بيفكر في التيدا
ثانيا يافيروز بالنسبة لموضوع الاوبشن الزيادة
دة اسالي نفسك هتعملي اية بمقاعد خلفية قابلة للطي
والجنوط سبور بالتاكيد لو فية امكانية تشتريهم يبقة
كويس بس عمري مهغير رايي في عربية علشان اوبشن
معلش في الكلمة زيادة وهايف شوية
وبعديب الحاجات دي ممكن تغيريهم في المستقبل لو كان فية امكانية
لكدة
لو بتقولي مش معقولة ان في عربية بالتمن دة ومفهاش الكماليات
الي اتفضلتي وذكرتيهه
فبقلك دة طبيعي لان كل حاجة وليهه تمن يعني مثلا مبلغ117الف
مثلا يدوب يجيب ربع عربية بي ام دبليو يعني شوية مسامير من غير
اي حاجة تانية الي اقصدو يافيروز ان الكماليات في العربيات المحترمة
زي الياباني مثلا ليهه تمن لان العربية اصلا تمنهه فوق لانكم بتشتري
عربية اعتماديتها عالية جدا وموتور يعيش ويعيش ويعيش....وكل حاجة
غير عربيات زي الصيني
انا عندي التيدا جبتها في رمضان الي فات ولعلمك جبتهه اقل حاجة في الكماليات
يعني اي بي اس واير باج موجودين لان نيسان بصفة عامة اهم شئ عندها الامان
بس بقيت الحاجات الي بتتكلمي عنهه مش موجودة وكان ادامي اجيب اوبترا فول اوبشن
مثلا مع كامل احترامي ليهه بس لا مقارنة بالكوري والياباني
والله بركب احيانا مع سواقين تاكسي اسبرانزا لاني بتخنق من السواقة في الزحخمة
بستغرب علي شكل التابلوة الفخم والكماليات تحسي ولا مرسيدس بس دي اسبرانزا
وبعدين زي مقلت لحضرتك فتحت سقف والحاجات دي كلهه سهل انهه تتركب في
التوكيل بعد كدة يوم ماتتوفر الفلوس الاهم انك تشتري العربية والي تثقي فيهه
بالنسبة للخ الفاضل الي قال انة جرب العربية وعفشتها زي الزفت ازي زي الزفت من تجربة العربية
العفشة كلمتك والتلك اخص علية انا وحشة ولا اية مثلا
لو عفشت التيدا وحشة يبقة الله يعوض علي اغلب الشعب في بقيت عفشات العربيات الموديلات التانية
انامعاك انهه وحشة مقارنة بحاجة واحدة بس انك لو قارنتهه بعفشة جرار مثلا ايوة انا معاك
الجرار خض بية في الظلت بس هية لاة ياعيني مش هتستحمل دة
فيروز انا معاية التيدا من رمضان زي ماقلتلك وانا بلدي بعيد حوالي800كيلو عن القاهرة من الوداي
الجديد وموجود هنا دراسة سافرت بيهه لغاية دلوقتي حوالي اكتر من9مرات رايح جي وكل مابروح
للتوكيل لصيانة كل5000كيلو بيبقو مستغربين العربية ماشاء الله مفيش فية مفك ولا اي حاجة اضربت
علشان تقفل اي حاجة في العفشة والمهندسين بيبقو مستغربين وفي نفس الوقت معجحبين بان العربية
والحمد للة ويارب احفظها من عيني الاول من ادائها
النقطة التانية الي اتكلم فيهه ان ثباتها وحش جدا بقلو الاول انتة بتعرف تسوق انتة بتعرف يعني
اية ياسيدي الفاضل ثبات للعربية ممكن انتة الي الدنيا بايظة معاك انا والدي لو العربية زادت عن60
بيقلي العربية بتعوم وزي الزفت بس دة والدي ومبيعرفش يسوق ينفع بعد كدة يجي يقول ان ثبات العربية اي
كان نوعهه الي كان ساقهه وحش ياااااراجل حرام عليك اسال اي حد علي طريق السويس للرحاب
هيقولولك ان الطريق بيقف علي رجل يوم مالتيدا بتاعتي بتعدي ناس بمرسيدس وبي ام بيخاف يمشو علي
الطريق علشان معقدهمش..
علي العموم خلينا من الهظار ثبا العربية رائع جدا وعن تجربة محترفين وبكرر محترفين
موضوع ان الباور خفيف جدا اقلة يا استاذ انا حاسس انك فعلا كنت بتسوق جرار قبل كدة علشان
كدة شايف ان الباور بتاعهه خفيف شئ مضحك
كلمة قلهالي مهندس في الصيانة ان باور التيدا احسن باور لانة مختلف عن اي باور لاي عربية
شرحلي شوية حاجات اقول الي سمعته ان الباور مرتبط وبياخد من المتور ومش عارف اية والخ الخ الخ
يعني واخد حلاوة الكهربا وامان الزيت وعلي فكرة مركز الصيانة دة لعربيات كتير من مركات مختلفة
في النهاية الي في دماغة عربية يشتريهه وربنا يباركلو فيهه حتي لو كانت اية امين يارب
|