عرض مشاركة واحدة
  #12  
قديم 19-10-2012, 10:31 PM
senior010 senior010 غير متواجد حالياً
 
تاريخ التسجيل: Oct 2012
المشاركات: 12
senior010 has a spectacular aura aboutsenior010 has a spectacular aura about
افتراضي رد: شانا بينى 2013 الان فى مصر و تقرير خاص وحصرى على مص موتورز

تحياتي لكل أعضاء هذا المنتدي المتميز
السيارة فعلا هي نفس الشكل ده وموجودة في الوكيل بتاعها الشركة العربية في شارع النزهة مدينة نصر وهي بالفعل 1000 سي سي بقوة 70 حصان موتور 2 كامة 16 صباب و 4 سلندر
أنا شفت العربية وركبتها في المعرض هي مريحة في القعدة والمصنع في الصين فعلا تفادي معظم المشاكل القديمة في السيارة من ناحية التقفيل الضعيف ولكن الملاحظ أنها 2 زجاج كهرباء فقط أمامي و الدركسيون ثابت مش متحرك والمرايات منوال مش كهرباء والشنطة أصغر من الموديلات السابقة لان دي شانا بيني (ميني) والموديلات السابقة شانا بيني برضه بس (لوف) Love وكمان نازلة بدون فوجات وبدون حتي سنتر لوك والمفتاح طبعا عادي مش ريموت وكان التعليل لكل الحاجات دي انهم كانوا بيحاولوا يقللوا في سعر السيارة عشان تنافس وكمان الكاوتش مقاس 13 طاسات مش جنوط والكاسيت FM و MP3, ولكن الشكل العام جميل وصوت الموتور مش عالي والتكييف 100% بالنسبة للسيارات الصيني من نفس الفئة بس طبعا جربناه وهيا واقفة في المعرض والباور مقبول وفيها ABS و EBD & Air bag ونظام العدادات بتاعها لذيذ مش دمه تقيل, سعرها فعلا 49900 جنيه كاش وعندهم تقسيط مع بنك ناصر وسوستيه جنرال وكريدي أجريكول . وكان بمقدم 30% هيكون 14970 جنيه و 1797 جنيه تأمين وقسط 865 جنيه علي 60 شهر ,, أو 40% مقدم يعني 19960 جنيه ونفس التأمين طبعا وقسط 750 علي 60 شهر أو مقدم 50% يعني 24950 جنيه وقسط 650 جنيه علي 60 شهر. وفي منها ألوان أبيض وأسود وفضي ونحاسي وأصفر و أزرق و أحمر و بنفسجي .
هناك أ/ مصطفي عثمان متواجد من 11 الصبح لحد 8 مساء وومكن تكلموه وتستفسروا منه أكتر علي الرقم ده 01116778135

ودي صور من نصويري الشخصي يارب تعجبكوا ,معلش هيا من زوايا غريبة بس ده لضيق مساحة المعرض واللي هيروح هيلاحظ ده. دي أول مشاركة ليا في المنتدي وانا شفت العربية في الحقيقة وحبيت افيدكوا عشان لو حد بيفكر فيها يبقي بيفكر وهوا عارف بيفكر في ايه .
علي فكرة السيارة مش وحشة ومناسبة لفئات كتير خصوصا السيدات والشباب





















تحياتي للجميع
رد مع اقتباس