أخى الفاضل . مع كل تحياتى واحترامى لك على نظافتك الداخليه والتى أصبح من النادر وجودها فى ابناء شعبنا ( العريق ) ولكن يبدو من كلامك ان لسه حقن البنج والتناحه لم تؤثر فيك بالكامل وان ضميرك لسه بينقح عليك لما بتعمل غلط . وانا نفسى مش عارف ارد عليك اقوللك ايه . بس صعب جدا ان ضميرك يكون بينقح ومحتاج بنج وان ضمير اللى حواليك فى نفس الوقت يكاد يكون فى النزع الأخير ومحتاج انعاش قوى عشان يفوقه ... آسف على الإطاله ولكن نفس الحيره دى عندى وخصوصا كل ما بانظر لإبنى الوحيد الصغير وبافكر فى طريقة تربيته . هل اربيه على ما تربيت عليه ؟ والا أربيه على انه يعرف يعيش المستقبل وسط التغييرات اللى اصبحنا بنعيشها . اما رايى الخاص فى موضوعك : انك تحاول تنسى ما حدث . لأنه خلاص حدث وانتهى . لا تأنيب ضميرك حايفيد ولا حايغير حاجه . ولا اللى عملته حايصلح لك العربيه تانى .
مع خالص حبى واحترامى