[عصام غنايم]

بس بحس ان في حاجه مش مظبوطة او بمعني تاني بحس ان سحب العربية مش الي هو رغم انها 6 سلندر وكمان بحس ان الجير مش بيغير بسرعة علشان كده العربية مش بتسحب هل الموضوع ده له علاقة بالكمبيوتر ولا ده كلام فاضي؟ ولو مش كده يبقي الموضوع ايه بالظبط رغم ان في ناس قالولي ان الموضوع ده عادي وناس تاني قالو ان الكمبيوتر عايز برمجه من جديد فممكن تنصحني اعمل ايه بالظبط واكون شاكر جدا ليك

اولاٌ
ربنا يباركلك فى سيارتك

ثانياٌ
حضرتك بتتكلم فى اتجاهين مختلفين تماماٌ

ازاى ؟

حضرتك بتقول ان سحب العربيه مش مظبوط بالرغم من انها 6 سلندر ( مشكلة موتور )

وبتقول ان الغيارات بتتأخر ( مشكلة فتيس )

بس الموضوع سهل اوى

1

هتعمل صيانه للموتور ( تغيير فلتر هواء , تغيير فلتر بنزين , تغيير الزيت وفلتر الزيت بعد استخدام فلش اويل , تغيير البوجيهات مع الحرص على تركيب رقم البوجيهات الخاصه بالمصنع , شيك على سلوك البوجيهات وعلى خرج موبينة الكهرباء , شيك على ضغط طرمبة البنزين من خلال خرطوم الراجع ) ده بالنسبه للموتور

2

هتعمل صيانه للفتيس ( تغير زيت وفلتر الفتيس بالنوع الخاص بالسياره حسب توجيهات المصنع )

بعد ده كله هتفصل كابل البطاريه السالب لمدة 3 دقائق ثم تعيد توصيله ثم تعمل ايدل ليرن كالتالى

هتدور العربيه لمدة 3 دقائق على السلانسيه

ثم

تفتح جميع انوار السياره على العالى مع الشبوره وكمان تشغل التكييف على اعلى سرعه كل ده لمدة دقيقتين

ثم

تطفى كل ما سبق وتطفى السياره

وبكده نبقى عملنا ريستارت للموتور والفتيس والكومبيوتر

نفذ ما سبق وبلغنى بالنتيجه

ومتنساش تدعيلى