رد: محتاج المساعده .....بجــــــد
بص يا كوكى لازم تنزل بنفسك وتقارن بين الاسعار بنفسك وتشوف الخامات بعنيك وتشوف اذا كان الاستيراد كويس ولا لاء وتفاصل فى الاسعار كمان
انا من كام شهر كنت نازل اشترى فانوس استيراد او وش فانوس (خلفى) جديد لان الفانوس عندى كان مجرد الوش مشروخ بس
انا وانا نازل عارف ان الفانوس الاستيراد فى حدود 80 - 100 حسب الحالة والجديد من 150 - 180 والوش بس فى حدود 20 - 30 جنية
فوجئت ا الفانوس كامل بيتباع صينى ب 60 جنية فاصلت فيه ونزلت 5 جنية واشتريتة وركبتة وشغال تمام لحد دلوقتى
فعلشان كده لازم انت اللى تنزل بنفسك
من ناحية الشغل ده يتعمل فين افضل انا شايف العربية الحمد لله مفيهاش حاجة طل المطلوب ان سمكرى نظيف - -- يشتغل الكبوت بحموات
-- واذا كان الصدر مكبوس يتعملة زرجينة
بس وديه شغلانة مابين 100 - 200 جنية عند السمكرى ومش شرط توكيل ابدا ولا حاجة المهم السمكرى يكون نظيف بس ويشتغل فيها على مهلة وميكترش حموات على الفاضى والكبوت يمشى مية واحدة مع الرفرف والصدر ومبيبقاش فيه عالى واطى كتير علشان يريح البوهيجى
-- بعد كده الاكصدام يروح لبتاع الفبر يلحمة فى اثناء شغل السمكرى ويجى السمركى يظبط عليه وبرضو الفوانيس والشبكة تيجى علشان السمكرى يظبطهم صح
-- اشترى بس شبكة والفوانيس الناقصة وهتلاقى استيراد كتير بس المهم تلاقى حاجة شكلها كويس علشان ديه الفوانيس القدامنية ولو فانوس اشارة واحد ملقتوش مستعمل يبقى احسن تشترى كله جديد علشان ميبقاش حاجة شكلها جديد اوى والباقى شكله مستعمل او شوف انت وراحتك طبعا
ملحوظة اخيرة :
لو لقيت الصدر مكبوس فعلا وعملت الزرجينة واستعدلتلة بص على الريداتير كويس واتاكد انه على قواعدة صح ومتخرمش منالخبطة وراجع عند ميكانيكى على بقية الدنيا فى الحوض
الف سلامة على العربية يا كوكى وقدر الله وماشاء فعل
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|