المشاركة الأصلية كتبت بواسطة tareksakr
اولا انا متشكر ليك جدا علي اهتمامك بالموضوع ده وانا لا كبير ولا حاجة احنا كلنا هنا هدفنا نفيد ونستفيد فلما لقيت عندي معلومة قلتها وشكرا لتوضيحك ونتمني نشوفك في مواضيع تانية قريب تقبل تحياتي
|
شكرا لتواضعكم و ربنا ينفعنا بعلمنا
المشاركة الأصلية كتبت بواسطة acounter01
الف شكر علي المعلومة الجيدة دي
العفو
بس ليا استفسار لو انا شلت الفيشة دي اساسا ال ال ممكن يحصل من حيث الاضرار أو المنفعة
ملحوظة انا اصلا شايلها
|
انا عن نفسى شايلها من زمااااان علشان بحط 92 و زى ما قال الاستاذ طارق و كما هو موضح بكتاب الصيانة المذكور اعلاه ان علشان تظبط ال ECM على التعامل مع 91 يبقى لازم تكون الاتنين تيرمينالز D12 و D13 يكونوا OPEN يعنى الفيشة متشاله
المشاركة الأصلية كتبت بواسطة corsair
جزاكم الله كل خير وفعلا انا اسمع ان الانوس تقدر تمشي ببنزين 80 وعادي جدا ولا بيحصلها حاجه بس مش كدا يبقي اللي بيعملها بيبقي بيلعب في كهرباء السيارة وممكن يخرج من الضمان
|
الصراحة انا عن نفسى متاكد ان ارقام الاوكتان فى مصر مش صحيحة يعنى 80 اكيد اقل
ده غير ان كتاب المستخدم بيوصى ب 91 و كمان مكتوبه على غطا البنزين
بس انا معرفش حكاية الضمان
لكن الى يعملها ميعتبرش بيلعب فى كهرباء العربية ده مجرد انه بيخلى ال ECM تستخدم منحنى توقيت مناسب للانجيكشن و البوجيهات و الاربع منحنيات دول مسجلين جوه ال ECM و المستخدم بيختارهم بناءا على ظبطة الفيشة الى هو حيظبطها على حسب نوع البنزين الى بيستخدمه
عالعموم كل ده علشان العربية متسقفش جامد
بس انا متاكد ان فى حاجات تانية حتبوظ زى
المحول المحفز ( علبة البيئة الى فى الشكمان ) و بيركب مكانها ماسورة عادية و بتبقى كفائة العربية احسن بس البيئة بتنضر لان المحول ده بيحول اول اكسيد الكربون السام الى ثانى اكسيد الكربون الى بيعتبر ناتج طبيعى ضرره اقل
حساس الاوكسوجين اكيد حيبوظ بعد فترة مش عارف اد ايه
سمعت من ناس ان ال 80 فيه شوائب مع ان المفروض ملهاش علاقة بس احتياطى فلتر البنزين يتغير على 5000 كم للحفاظ على مضخة البنزين