المشاركة الأصلية كتبت بواسطة michohat
|
المشاركة الأصلية كتبت بواسطة michohat
الوضع كالاتي
من فتره كبيرة (2005 ) والميكانيكي بيقول المكنه خفيفه و شايل لي خرطوم الفايظ من العمه
والمكنه ساعات كويسة وساعات مش قوي وبتبقى جميله لما بنظف الكاربراتير والميكانيكي بينظف دورة البنزين ولا معرفش اسمها ايه ( اللى هيا لما بتتنظف بتخلي العربية تجري اظن بوجيهات و كربراتير و حاجات تانيه )
والمكنه عاوز اظبط ليها تاكيهات ( الميكانيكي قال لي مش دلوقت لانها كده مصلحه ليك)
فكنت بلاحظ ان في نقص فى الزيت والنقص ده بدء علي ما اظن لما قولت احول من زيت اسو ابو جركن رصاصي الى موبيل xhp جربته مره او مرتين وبعد كده رجعت تانى ل زيت اسو من بعدها بشوية و انا ملاحظ ان فى نقص في غيار الزيت لما اغير بيوصل احيانا اللى كيلو نقص وانا بغير من 1000 كيلو : 1500 كيلو
و كنت ملاحظ ان فى ترشيح على جسم المكنه من بره وكنت فاكره من الطريق و طرطشه مياه ولكني بعد فتره ظنيت فى جوانات اللي تحت التاكيهات فلقيتها زي ما تقول فيها تنفيس وقولت للميكانيكي قال لما تيجي تعمل طقم الشنبر
ودلوقت لما بقيس الزيت وخصوصا انى قربت اوصل لل 1000 كيلو علشان اغيره لقيت ان مستوي الزيت مش نقص زي ما كان فى الصيف فشكيت ان النقص ده يكون سببه تسريب الزيت فعلشان كده بسأل
انا دلوقت فى الشغل و ان شاء لما انزل اروح هركب خرطوم الفايظ فى العمه واشوف يا تري العمه هيكون فيها زيت ولا لا لما اروح
ده باختصار اللى حاصل فى العربية
لحد دلوقت مش ركبت خرطوم الفايظ وسايبه حر فى المكنه
|
مش بتحب الحلول المسكنة وعاوز حل جذري
طيب انت بقالك سنتين بتتكلم في نفس القضية واصلا الميكانيكي من 2005 بيقولك المكنة خفيفة والنهاردة 2011
هوا فيه مكنة خفيفة يا استاذ مجدي تشتغل 6 سنين متواصل وفيها مشكلة برضة ؟
ده على الاقل هتلاقيها بتسف بنزين وزيت مش بتاكل نص كيلو في الغيار
وبتقول العربية ماشية معاك كويس لكن موضوع الزيت هو اللي مخوفك
يبقى كمل سنة كمان بزيت الشنبر لعل وعسي يكون فيه نتيجة واهو على الاقل تستهلك باقي اجزاء الماتور يبقى بدل ما تعمل طقم شنبر تعمل عمره كامله
خصوصا لو وضعت في اعتبارك انك لما تفتح ممكن متلاقيش طقم الشنبر بس اللي فيه مشكلة ممكن تلاقي موال تاني وتحتاج عمره كامله
يبقى وفر فلوسك وخليها ماشية طالما ماشية كويس على وضعها الحالي ولما تفتح تفتح مرة واحده
وكمان فيه اقتراح معرفش مقبول والا مرفوض لكنه مرتبط بحالة الماتور نفسه اذا كان دي اول مرة يتفتح والا اتفتح قبل كده
لو اتفتح قبل كده يبقى فيه احتمال ان العمرة الكاملة ايا كانت مش هتبقى كويسة
يبقى الفلوس اللي هتصلح بيها النهاردة او كمان فترة لما المكنة تفوت بيع الماتور اللي فيها وهات واحد استيراد نضيف
وبعدين سؤال
هو معدل استهلاكك للعربية قد ايه في اليوم او الشهر