بجد دي حاجة كويسة ان يكون معانا واحد "من أهلها" ... قصدي يعني من جوه غبور
و عموما شكرا للتواصل مع الناس اللي فعلا بيبقي عنده اسئلة كتير محتاجة حد يجاوب عليها ...
معظم الناس هنا بتسأل عن النيو أكسنت و اللي بيرد برضه بيسأل ... يعني مش عارف بيرد علي مش عارف ... صحيح في حاجات كتير صح بس في النهاية الاتنين مش معاهم العربية
عشان كده ياريت تفيدنا بمعلومات عن النيو أكسنت تكون شافيه
بلد المنشأ؟
في حاجة بتركب هنا في مصر؟
لو في يبقي ايه بالتحديد؟
ينفع نطلب ABS أو Airbag و بكام؟
معدل استهلاك الوقود؟
جدول الصيانة و كل قد ايه؟
تكلفة الصيانة؟
متوسط أسعار أهم قطع الغيار
ايه رأي الشركة في شكوي "العفشة ناشفة" و هل في حاجة ممكن تعالج ده شوية؟
كلام ان المساعدين ألماني .. صح و لا غلط؟
بصراحة كده يعني .. الأتوماتيك منها في مشكلة ظهرت في الفتيس؟
ياريت كمان نعرف الضمان يشمل ايه و لمدة قد إيه؟
كده يبقي ألف شكر ليك ... و لو الجابات ريحتني أنا و ناس كتير صدقني هنلاقي نص الأعضاء اشتروها
