المشاركة الأصلية كتبت بواسطة ateef_samy
كنت اريد ان اعرف افضل وسيلة لشراء سيارة مستعملة بحالة جيدة
هل هى الشراء من خلال سوق السيارات..؟
نصيحة بلاش السوق بقى حاجة فظيعة كلهم تجار ومعظمهم معندوش ضمير
أم الشراء من خلال الانترنت..؟
خليك على مواقع بيع السيارات فى النت
وهل الافضل الكشف عليها بالطرق التقليدية عن طريق اصطحاب ميكانيكى أو سمكرى أم عن طريق الفحص الشامل للسيارة فى احد مراكز الفحص بالكمبيوتر
وما هى العيوب التى لا يمكن التغاضى عنها وبالتالى اذا وجدت فى اى سيارة فيجب عدم شراءها اطلاقا
عن طريق الفحص الشامل فى احد المراكز المتخصصة
العيوب التى لا يمكن التغاضى عنها هى حالة صاج وشاسية السيارة ودهان السيارة من الداخل
دول لا يمكن التغاضى عنهم ابدا ابدا ابدا كمان حالة الصالون مهمة جدا لانه لو متبهدل مش هاتعرف ترجعة زى الفبريكه
اوعى تشترى عربية فيها بارومة
اوعى تشترى عربية رشة اى جزء من الداخل
يستحسن ان العربية تكون غير مدهونة من الخارج (يفضل )
اى حاجة بعد كدة مقدور عليها عيب فى عفشة ماشى
عمل صيانة دورية ماشى
أعتذر عن كثرة الاسئلة ولكنها مهمة على الأقل للمبتدئين فى سوق بيع وشراء السيارات
|
تحت امرك وربنا يكرمك بعربية كويسة