[elgdawy2007]

]أنا عندى نيسان صنى 2009 و عدادها الان 40000 و مواظب جدا على الصيانات كل 5000 كيلو متر فى مرطز صيانة الحضرة بالاسكندرية
الحقيقة مركز نيسان الحضرة فى اسكندرية ممتاز جدا :
1- جدية شديدة فى التعامل مع العملاء و كل شكوى بتقولها عن السيارة يتم فحصها و انهائها
2- مواعيد تسليم السيارة بعد الصيانة ممتازة و مطابقة تماما لما يخبرك به مهندس الصيانة و هما كمان بيكلموك لو اتاخرت عن استلامها
3-استبدال قطع الغيار التى يشملها الضمان أو التى ظهر بها عيوب تصنيع بدون أى مناقشة
4-بعد الصيانة بيومين يقوم المركز بالاتصال للاطمئنان على ماتم من أعمال أثناء الصيانة
العيب الوحيد فى المركز اليافطة التى تنوه بوجود انترنت لاسلكى فى المركز و هو معطل من شهر 7-2009 حتى الان]




بصراحه بقى انا شوفت غير كده خالص فى الحضره النهارده اولا ناس مهندسين ومش فاهمين حاجه خالص فى اى حاجه اول القصيده واحد مهندس هناك كان بيستلم منيى السياره اسمه مروان محمد مرسى قعد يلف حوالين السياره وبعدين قالى فيه خرابيش على الشنطه من الخلف روحت باصص لائيت 3 خطوط بالعرض مسحتهم اتمسحوا خالص ومعدش ليهم اثر ما علينا قولتله دى مش خرابيش اصر على انها خرابيش وبعدين يقولى بص اهى قولتله فين دى المهم كان فيه واحد واقف هناك اسمه حسين فنى قولتله احضر معانا الله يخليك وشوف فيه خرابيش الراجل بص وراح قال مفيش حاجه خالص والمهندس يقولى طب خلاص بس عموما اهى دى خرابيش نبص تانى ولا خربوش اصلا فيها حتى الفنى اكد كلامى ان مفيش خرابيش خالص وحياه ربنا المهم بعد كده الفنى قالى معلش اصله لسه جديد وكل زبون يدخل يقوله العربيه اتخربشت عندكم والمهم روحت الساعه 1 ظهرا بحجز طبعا وكانت المشكله ان الكرسى اليى جنب السائق كان مرحل من مكانه شويه وكمان كان فيه صوت غلس عند الفرمله المهم خلصوا الصوت بتاع الفرمله والفرش قالى تعالى بكره عشان مفيش وقت وبنقفل خلاص ولو تحب احجزلك تانى قولتله حشوف المهم وانا هناك لائيت واحد عمال يشتكى ويشد شعره سيارته بقالها اربع شهور محجوزه كانت عامله حادثه وكانوا بيصلحوهاله طلعوا عين ام الراجل وكان جاى يستلمها وهو متعكنن اوى كمان بسألهم سؤال بسيط جدا التانك بياخد قد ايه بنزين قعدوا يلفوا حوالين بعض بتاع ساعه وشويه وكل واحد يقولى حسأل المهندس المهم سأل المهندس وياريت مسأله جه يقولى التانك بياخد 46 لتر ولما اللمبه تنور يبقى فيها 7 لتر احتياطى قومت قولتله هى بتخد كام كيلو فى الصفيحه رد البيه المهندس وقالى بتعمل 180 كيلو بره البلد وجوه البلد طيب يا مهندس مروان بيه محمد مرسى قام قالى مش عارف بالظبط اد ايه وبصراحه بعد اليى سمعته بجد فكرت انى امشى ومرجعلهومش تانى خالص واشوف اى مركز خدمه تانى فى صيانه الالف وللعلم السياره داخله عندهم اليوم عامله 170 كيلو بس ومدانيش صوره من الوصل اليى مضيت عليه كمان بالمشكلتين الموجودين فى السياره وده للعلم والنااس بتوع السياره اليى عامله حادثه ماشيين معايا بيشدوا شعرهم يا عينى بجد صعبوا عليا جدا سياره من شهر 8 الى شهر 12 بتتصلح فى التوكيل ههههههه بجد تهريج جامد اوى وعلى فكره انا ناوى كمان اعمل شكوى لان المعامله هناك كلها اهمال ومفيش اى رقابه وتضييع وقت ملهوش اخر ومحدش فاهم حاجه فى اى حاجه وحياه ربنا ودى تجربتى البيسطه مع مركز مودرن موتورز الحضره بجد فى منتهى السوء اليى فى الدنيا ودمتم بخير