رد: خبر حلو على القلوب و وحـِش على الجيوب
والله يا جماعة انا رائي مختلف الهايبر ماركتس مش نقمة ولا حاجة طالما انت عارف احتياجاتك ايه وبتعرف تعمل شوبنج بنظام مش لمجرد الشراء
وفى المقابل الهايبرز ديه بتبقى فيها عروض ممتازة ومستحيل تلاقيها فى مكان تانى
وديه شوية نصائح على الماشى علشان محدش يدبس
1- حاول تروح لوحدك فى اغلب الاوقات ولو لابد يبقى المدام بس لاكن العيال كمان يبقى انت اللى جنيت على نفسك
2- ابداء بالعروض وبتبقى فيه مطبوعة بالحاجات اللى عليها عروض بص فيها الاول وشوف انت محتاج ايه فعلا منها
3- ابداء بالمهم واللى انت محتاجة فعلا ومتسرحش فى غير كده لحد ما تخلص شراء المهم
4- متشتريش حاجة للعربية من هناك علشان الاسعار بتبقى غالية الا لو حاجة مش موجودة غير هناك وانت عايزها فعلا
5- القى نظرة على العربية قبل ما تروح وحاول تقدر محتوياتها بكام وده فى حدود ميزانيتك ولا لاء
6- خد بالك من اسعار الحاجات هيا بتضرب على المكنة ولو لقيت سعر حاجة اوفر او اكتر من اللى انت عايزها بيه متتكسفش انك تسيبها ومتاخدهاش ده حقك
بس خلاص ده اللى انا فاكرة ولو افتكرت حاجة تانية هبقى اكتبها
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|