المشاركة الأصلية كتبت بواسطة Eng Marco
دلوقتي انا اشتريت عربية مستعملة و دفعت عربون و صور بطاقتي بالموبايل !!
و قالي تعالى يوم السبت او الحد هكون عملتلك توكيل للعربية عشان الرخصة لسه فاضل فيها 6 شهور
هل الكلام ده ينفع فعلا ؟ انه يعمل توكيل بصورة على الموبايل
و التوكيل ده هعرف ابيع بيه لنفسي بعد كده ؟ مش هيعمل مشاكل ؟
ولا الأفضل اني اخليه يبيعلي على طول ؟
و لو هخليه يعملي توكيل ؟ ايه اكتر حاجة اخد بالي منها ؟
|
هو ينفع طبعا هيعملك توكيل ماشى بس ده مش تسجيل وهو بيقلك ضمنيا مش هيسجلك يعنى علشان لسه فى الرخصة 6 شهور تستغلهم تمام
قيمة ووظيفة التوكيل ده ايه بيعتمد على صيغتة ممكن يكون توكيل بيع للنفس وللغير فتقدر اه تبيع لنفسك وتسجل بعد كدة
والافضل طبعا انك تبقى معاه فى الشهر العقارى يبعلك وتقبضه وانت تعمل توكيل بعقد مسجل فى الشهر العقارى وتدفع نقل الملكية وبعدين بالعقد المسجل ده بتروح المرور تنقل الملكية على طول
ولو هيعملك توكيل تاخد بالك من الاتى
صيغة التوكيل زى ما قولنا بيع للنفس وللغير او ادارة او تعامل مع المرور الخ الخ
رقم السيارة وموتور وشاسية وكل البيانات مطابقة للرخصة
وطبعا الاسم وكل البيانات والاختام وميكونش فيه اى كشط او تعديل