السلام عليكم
انا ايضا من اشد المعجبين بهذه السيارة
وخاصة التصميم الداخلي والخارجي
وبالمناسبة شكلها الخارجي هو هو بتاع المرسيدس A150 وتقدر تشوف بنفسك الصور من جوجل بس هي طبعا اصغر شوية
المهم الاوبشن بتاعها بالنسبة لسعرها طبعا وهم فيها 2 ايرباج وفرامل abs وكل الامكانيات التانية حتى الجنوط الاسبور غير انها واسعة من جوة
المهم نيجي للعيوب
العربية صيني وغير منتشرة
صيني يعني غير متينة بالمرة مش بتاعة بهدلة خالص يعني تجبها وتلصمها تحافظ عليها زي عنيك غير انها من ناحية المتانة ضعيفة يعني الصاج بتاعها والخامات ضعيفة
تاني حاجة قطع غيارها مش منتشرة خالص حتى في التوكيل
الحاجة الاخير سعر اعادة بيعها مش حلو لانها مش منتشرة وما حدش يعرفها
الخلاصة هي كانت مع موطف زميلي وبيروح ويجي بيها من اكتوبر لشارع القصر العيني كل يوم لمدة سنتين
هو ما اشتكاش منه كتير غير اني لما سالته قالي : ماتجبهاش قولتولو ليه قالي علشان صيني وبعد ما هتاجبها هاتحس انك خسرت وكل ما حاجة عادية فيها تبوظ هاتقول ما اهو انا لوكنت جبت حاجة غيرها ماكانش حصل كدا
مع العلم انا الماركات الكبيرة دلوقتي بقى فيها عيوب صناعة برضة
ملحوظة اخيرة الهاف اوبش بتاعها عامل 39 الف والفول اوبشن عامل 42 الف
ورغم كدا ورغم سعرها وحبي ليها لاملك الشجاعة الكافية لشراءها
وعمال ادور على حاجة مستعمله ومش لاقي برده
عموما قبل ما تشتري لازم صلاة الاستخارة وربنا يوفقك
وفي انتظار راي باقي الاعضاء بالمناسبة صور المرسيدس اهي
وصورة الشانا بيني اهي
من رايي ما فيش فرق في الشكل الخارجي غير الحجم وحتى فرق الحجم مش كبير قوي