رد: عايز اشترى عربية (معنديش خبرة)
رغم عدم خبرتى هأرد باللى أعرفه
حاول تبعد عن الفيات الجديد, القديم كانت سمعته حلوه بس الجديد متعب شويه.
طبعاً الجولف 1 لا غبار عليها إلا فى حاجتين: موديل قديم (معظمها سبعينات), محتاجه تتأكد من توافر ميكانيكى بيفهم فيها و توافر قطع الغيار(و أسعارها بالنسبالك) بس طبعاً كفاية إنك راكب عربية ألمانى.
الأكسيل و البرايد أحلى من بعض و سمعتهم زى الفل بس أعتقد إن البرايد أفضل لسببين برضه: قطع غيار رخيصه و ميكانيكا سهله لأى صنايعى, و تانى حاجه إنك بالـ 30 ألف تجيب حاجه حالتها ممتااااااازة, إنما الأكسيل ممكن تحتاج تزود شوية علشان حالتها تكون كويسه.
بالنسبة للتيوتا ستارلت مسمعش عنها أى حاجه, بس فى ناس من عشاق اليابانى و خاصة التيوتا, ممكن يفيدوك أكتر.
و منتظر رأى الإخوه للإستفاده
|