تجربتي مع اكسنت ار بي ومعرض ستوب
السلام عليكم
هاحكيلكم تجربتي يمكن حد يستفيد وما يغلطش نفس الغلط وعشان نعرف المعارض الغير محترمه
انا من اسكندريه وكنت عاوز ار بي سماوي سالت مالقيتهاش غير في ابو غالي اسكندريه وسمير ريان مدينة نصر بس والدي اصر اننا نجيبها من معرض ستوب الي في مدينة نصر لانه اتعامل معاه قبل كده
المهم اتصلنا بيهم واكدوا لينا ان اللون السماوي موجود وكمان اللون الابيض لابن عمتي المهم كنسلنا سمير ريان والسماوي اتباعت ورحنا لستوب وحجزنا بالفين جنيه لكل عربيه
وهناك المفاجاه ان العربيه مش موجوده وهتيجي كمان يومين
فلتلهم مش هدفع مقدم قالولي برقبتنا هتيجي يا فندم ووالدي خلانا ندفع مقدم
55000
المهم رجعنا اسكندريه واسبوع ورا اسبوع ولا هما لاقيين السماوي ولا البيضه
وبيقولوا التوكيل ما بينزلش وبعد العيد هينزل
جم وقالوا في فيراني المهم ابن عمتي خدها وكانسل البيضه وانا قلت استنى السماوي عدى شهر كده من 11/8 لحد 11/9
اتصلوا بيا امبارح وقالوا السماوي لسه قدامها كتير ومش مضمونه وفي البيضه قلت ماشي اخد البيضه اضمن واخلص
المفاجاه بقى انهم قالولي انها غليت 1250
قلتلهم انا حاجزها ب 101.5 وماليش ذنب انتوا السبب وكنتوا كدابين وقلتوا انها عندكم من الاول وضيعتوا عليا فرص في حته تانيه
المهم والدي اقنعني اننا ناخدها وخلاص لانهم كده كده مش هيرضوا يرجعوا المقدم
نصيحه يا جماعه ابعدوا عن المعرض ده الي هوا شوية سماسره وبيجيب عربياته من معارض تانيه
وكمان بينصب عليهم انهم يجيبوها من بنك ناصر قسط بسبب العموله وشكرا
|