رد: اسبرانزا تيجو - مميزات و عيوب
أنا معايا العربيه من أول 2010 يعنى تقريباً سنتين دلوقتى ( 1600 سى سى)
فعلا فى ساعات ممكن يكون فى عضه فى الفيتس ودى بترجع لدوسه الرجل على الدبرياج فعلا لانى لما بدوس للاخر الغيار تقريبا بيروح لوحده من كتر النعوميه ( ولما فعلا بنتقل الغيار بعد 3 RPM بشويه بينقل سهل برضك لازم تعدى ال 3 )ولما الدبرياج تقل معايا روحت التوكيل وظبطته وده فى الغالب بيبقى مجرد تظبيط تانى لحساس الدبرياج .
وبعدين قولت أجرب على النت فكتبت حل مشكله الفتيس والغيار والدبرياج على جوجل لاقيت المفاجأة ان معظم العربيات بمختلف انواعها من المانى إلى صينى ( مانيوال ) الناس بتكتب نفس الكلام أن ساعات يبقى فى عضه وساعات الدبرياج تقيل وساعات خفيف ................ الخ .
ولما كنت فى التوكيل فى مرة ساعات لما كان الدبرياج تقيل قابلت واحد عميل هناك معاه لانوس وقالى ان موضوع الفتيس ده عيب فى كل عربيات أبو الفتوح وانه كان معاه نوبيرا برضك مانيوال وكان الفتيس ثقيل برضك .
فعلى ما أعتقد ( وانا مش خبير قوى يعنى ) أن موضوع الغيارات والفتيس و الدبرياج ده بيرجع للى بيسوق نفسه .
|