بسم الله الرحمن الرحيم
انا عضو جديد فى المنتدى ( لسه طازة ) وبينى بينكم انا ابيض يا ورد فى موضوع العربيات ده
لكن الحقيقة انا استفدت كتير من الموضوعات اللى فى المنتدى واحب بالمناسبة دى اشكركم جميعاً على الروح الجميلة اللى بينكم وعلى المعلومات القيمة اللى حقيقى والله استفدت منها كتير لأنى عايز اشترى عربية و كنت محتار لانه قرار مش سهل وكنت محتار بين 3 عربيات هما اللانوس والفيرنا والسيينا
ولقيت واحد من الاعضاء الكرام تفضل مشكورا وسأل السؤال وانا قريت الاجابات على الجاهز واعتقد انى قررت اتوكل على الله واشترى اللانوس بس هنتظر اسبوعين تلاتة قبل ما اشترى فعلا ...
بس كنت اتمنى من الجميع اللى عنده معلومات تفيدنى عن الآتى مايبخلش عليا بيها وجزاكم الله خيراً ...
1- افضل المعارض اللى ممكن اشترى منها وكيفية الاتصال بها ؟
2- ازاى اقدر احكم على العربية قبل ماشتريها ( معاينة العربية قبل الشراء وايه اللى المفروض اخد بالى منه ؟ )
3- اللانوس ضمانها اد ايه وايه هى المزايا خلال فترة الضمان ؟
4- هل يوجد اى مواقع او برامج ممكن تفيدنى بمعلومات عن مبادئ القيادة ؟
وكل عام وانتم بخير ... رمضان على الابواب ... اعاده الله علينا وعليكم وعلى الامة الاسلامية بألف خير ..آميــن ( وجزاكم الله عنا خير الجزاء )