بســم الله الـرحمــن الرحيــم
السلام عليكــم ورحمـة الله وبركاتــة ،،
أحب أنقل لكم تجربتى مع التيجو
خلال سنة إستخدام
أنا إشتريتها كانت ماشية 12 ألف ك
إستخدام خفيف جداّ (حالياّ 50 ألف ك)
بس كانت لمبة التشيك منورة
البائع قال إنه راح بيها مركز الصيانة
بس ماعرفوش السبب وكان السحب ضعيف
بعد عدة زيارات لأبو رواش طلعت قفلة فى الضفيرة
وغيروا كمان الكومبيوتر على الضمان
________________________
العربيه شكل خارجى جميل جداّ
وهو مقتبس من
Toyota Rav 4
Toyota Rav 4
الأبعاد الخارجية مناسبة لشوارع مصر
الصالون واسع ماشاء الله
بس كراسى ال516 أحلى بكتيــــــــــــــــــــر
ومريحة عن كراسى التيجو الجلد (من وجهة نظرى)
_________________________ ___
الموتور قوى جداّ(2000سى سى ) ومناسب لحجم العربيه
أما الفتيس الأوتوماتيك ف تحس إنه مش بتاع العربيه دى
بسبب إن عزمه على الرابع سئ
التالت ممكن يجيب 150 مع لفات موتور 5000
أما الرابع فأخره 140 وتفضل تعافر عشان تعلى السرعة
ودى مش مشكلة لمعظم الناس
إنما لما تلاقى طريق فاضى وتشد مع لانسر وتسبقه بمراحل لغاية 150
وبعد كده تلاقيه معدى من جنبك مطلع لك لسانه
--------------------
وعرفت مؤخراّ إن موتورها بالفتيس بتوع ال 520
وده لايعيبها فى شئ سوى عزم العربية
بعد ال 140 ك/ س
وللوصول للسرعة القصوى ضعيف
_________________________ ___
العفشة ممتازة وأكتر من ممتازة
ماشاء الله و الله أكبر
بس
بعد ماعملت شغل العفشة
فى الموضوع السابق
________________________
إستهلاك البنزين ممتاز مع السواقة الهادية
يعنى لو ماشى 90 ك/س
بلاقى عداد الإستهلاك على 8 لتر/100ك
إنما كمتوسط ممكن نقول 11 لتر/100ك
على الطريق السريع و سواقة رزينة
(مش سواقتى طبعاّ)
_________________________ __
قدرة التحمل
ممتازة
-------------------------
حاجة أخيرة لو قارنت سعرها بالتويوتا راف 4 اللى ب500 ألف
هتلاقى إن مفهاش ولا عيب
وإن العيب إن نقول عليها كلمة واحدة
وبجد إخترت صح
_________________
وأخيراّ
ربنا يسترها علينا كلنا
وأى سؤال فى الخدمة