المشاركة الأصلية كتبت بواسطة SUPER MARIO
اولا اختلافنا فى الاراء يثرى كلا منا
و حضرتك انا ذكرت انه التجار هم الاساس و جزء كبير من المشكلة او المشاكل
مشكلة ارتفاع سعر الجنيه اولا التجار هم اللى بيقدروا يخلقوا المشكلة دى و يعذبوا 90 مليون بنى ادم بزيادة اسعار كل المنتجات و يسحبوا عملة صعبة من السوق و يعطوشه و الدولار يغلى و هم يستفيدوا و يرفعوا الاسعار و لو الدولة قدرت تواجه و توفر عملة صعبة و تغطى كل الطلبات و يبقى سعر الصرف ثابت يجى التجار و برده يرفعوا الاسعار بدون مبرر عشان كدة قولت هما سبب المشكلة
و حضرتك قولت اننا او الدولة لازم تواجه على كل المحاور منها زيادة الانتاج و التصدير و تقليل الفجوة فى ميزان المدفوعات عشان سعر الدولار يقل و اهم محور هو جشع التجار
استاذ احمد عايز حضرتك تتخيل لو ان بعد سنة و لا سنتين سعر الدولار نزل ل خمسة جنيه هل فكرك التجار هيرخصوه مثلا عربية زى كيا سيراتو الهاى لاين هتنزل من 200 الف ل 130 الف استحالة
عشان كدة انا بقول لازم الدولة تتدخل بقوة و تحد من جشع التجار بتحديد هوامش ربح لاى سلعة او منتج و ده لا يتعارض تمام مع اقتصاديات السوق او نظرية العرض و الطلب و تابع و يبقى دور فاعل و فعال للرقابة الصارمة من قبل الدولة
استاذ احمد تقبل مرورى و تحياتى لك
و اختلاف الراى لا يفسد للود قضية اخوك محمد
|
بالفعل اختلاف الرأى لا يفسد الود ... و بالطبع الاختلاف يثرى الموضوع و يفتح نقاط فى البحث و التفكير
دى طبيعة التجار ... و لن يتغيروا ... شهوة حب المال لا تقاوم
كان قصدى .. تفعيل دور المراقبة على كل حاجة ... التجارة و الصناعة و الاكل و التصرفات و كل اجزاء الدولة
و بالفعل موضوع نزول الدولار ده حصل من فترة .... الدولار سعره نزل ... بس الاسعار فضلت زى ما هية
تحديد هوامش الربح .... انا شايف انه موضوع صعب شوية .... محتاج اجهزة رقابية قوية و دائمة .. و انا شايف ان ده يتعارض مع سياسة التجارة المفتوحة .... ده غير انه حيعمل سوق موازى للسلعة دى باسعار اعلى ... سوق سوداء
الكلام ده حاصل فعلا ... زى الدولار على سبيل المثال .. و كان فيه كلام طلع من فترة بتحديد سعر الخضر و الفاكهة ( هامش الربح ) و لم ينفذ
تقبل مرورى و تحياتى لحضرتك