المشاركة الأصلية كتبت بواسطة medo akef
الحقيقه كلام مترتب و متظبط و مقدرشي اقول حاجه
بس في الموضوع جاء اسم سيارات اخري زي الكورولا و اليارس و الشروكي بيقرنهم في بعض الحجات و ده شئ مستحيل
و عن موضوع اني جايف فيديو h2 دا بس لاني مستغرب جدا مش عارف هي الي حاطط فديوها ده عمل ايه فبقول لما نحط نحط حاجه زي دي فعلا عملت المستحيل
و انا بقول انه بيقول انها ثابته جدا و بتجري و تحفه فنحطها في مقارنه امام سياره بنفس ثمنها هي فئه تنيا اه بس كدا كدا كلهم لاستخدام عائلي و نشوف مين الي بيجري و بيناور و بيمسك فرامل احسن
و اخر كلام سمعه انها باين ب90 اعتقد حتي انها كتير علي هذا السعر و في عربيات افضل بكثير جدا منها
ولكن هذه حريه شخصيه و ما علي الرسول الا البلاغ
مش عوز اطول في الكلام لان الكلام عن الصيني مش بيخلص و تشرفت بمعرفتك
تقبل تحياتي
وشكرا
|
السلام عليكم أخ Medo akef
نا لسه يادوب شايف مشاركتك اللواقتى
فى البداية طبعا احب اشكر اخى أ/حازم لرده الوافى اللى احتوى على معظم اللى كنت عايز اقوله
اولااحب اضيف ان اللى كتبته عن العربيات التانية بناء على تجربة اصحابها و مش واحد ولا اتنين
يعنى اما 5 او 6 أشخاص اعرفهم ده غير اللى فى المنتديات معاهم شيروكى ليبرتى يجمعوا على ان ثباتها ضايع بعد 100/110ده غير انها قلبت قبل كدة بقريبة واحد صحبى و هى بتاخد ملف
ونفس الموضوع بالنسبة للتيوتا الياريس اللى تقربيا 75% من ملاكها سواء هنا فى المنتدى او منتديات اخرى اجمعوا على العيوب اللى ذكرتها من قبل
يعنى مش بجيب كلام من دماغى
الحاجة التانية انا مش بقارن التيجو بالتيوتا او الشيروكى او بعربيات تانية بس حبيت اوضح ان زى مافيهم مميزات فيهم عيوب برده
وفى التقييم ده وضحت المميزات و العيوب اللى وجدتها خلال فترة استخدامى للتيجو
الحاجة التالتة الفرامل كمان ممتازة جدا و اثبتت ده معايا فى كذة موقف منها كنت على طريق السفر(بورسعيد/اسماعلية) و عربية نقل كانت طايرة من جنبى و فجأة راح كاسر علياو الحمد لله روحت مفرمل جامد العربية نزلت من سرعة 110 تقريبا الى 20 فى لحظة و الحمد لله ربنا ستر فلو مكنتش الفرامل كويسة الله اعلم ايه الل كان ممكن يحصل<!-- google_ad_section_end -->
الحاجة الرابعة انا مقولتش ان العربية بتاعة شد و كلام من ده بس بالنسبة لى سحبها ممتاز و اداءها مرضى جدا الحمد لله
فيه واحد صحبى لسه جايب شيروكى 2008 الشكل الجديد 3700 سي سي من شهر تقريبا المهم اما خليتو ساق التيجو بتاعتى بيفتكرنى بشتغلو اما قولتلو ان الموتور بتاعها 1600 سي سي طبعا الفرق لصالح الشيروكى فى العزم و السحب بس مش فرق 1600 ل 3700 سي سي كان فاكر التيجو معدية 2000 سي سي
و علشان سيادتك بس تبقى عارف هو كمان معاه لانسر 2007 و قاللى شتان فى العزم بين التيجو والميتسوبيشى و مكنش متخيل ابدا ان التيجو الصينى تكون كدة خالص بس خيبت ظنه
حاجة كمان انا مش فاهم ايه علاقة الفيديو اللى انت جايبو ده للهامر اللى هى اكتر من 5000 سي سي و معدية 800 الف جنيه بالموضوع اصلا
المقصود باضافة الفيديو ده للتيجو فى التقييم لتوضيح انها برده ليها القدرة للمشى فى الطرق الغير ممهدة و بالتالى القدرة على المشى فى شوراعنا المليئة باالمطبات و الحفر بكفاءة عالية و دى من احد مميزاتها(اعتقد ان كفاية ان عربية زى التيجو بالسعر ده تدخل الرالى و تكمل السباق و تاخد مراكز كمان)
انت شايف ان سعر90 الف جنيه كتير فانت حر دى وجهة نظرك
فى النهاية احب اضيف ان الحمد لله العربية تعتبر صفقة رابحة و لسه عند راى انها تستاهل اكتر من ثمنها بحوالى 3 أضعاف
ممكن تشوف مدى انتشارها الكبير فى الوقت القصير ده اد ايه وكمان بتتباع اعلى من سعرها الرسمى من 4 الى 6 الاف جنيه
مما لايدع مجال للشك ان منطقيا كدة مينفعش عربية مش ناجحة تتباع باعلى من سعرها
ولا ايه؟؟؟