المشاركة الأصلية كتبت بواسطة غاوي إللنترا
يا جدعاااااااااااااان الراجل بيقول 120 ألف جنيه وممكن يزيدوا بس خلينا في 120 الف
الواحد يجيب عربيه يقدر على مصاريفها مش عربيه شكل ومش يقدر على مصاريفها يعني مثلا انتوا بتقترحوا عليها بلإبيزا كلام زي الفل بس قطع غيرها عامل ايه؟؟؟ مش عند أي حد يعني انت كده بتحدد معاه اماكن الغاير وغير كده الأسعار متفاوته فيها ومش ثابته يعني تيل امامي لو ب500 ممكن تروح تلاقيه ب800 في محل تاني ويقولك أبو 500 ده كوبي اورجنال ولأصلي ب800 تروح لواحد تاني يقولك لالا الأصلي ب1000 جنيه واللي ب800 ده درجه تانيه وفرق 200 جنيه على الأصلي بتعاها يا جماعه السوق ملياااااااااااااان حوارات وغش ومافيش حد صادق وعنده ضمير كله بيبيع وخلااااااااص
المهم هوه بيدور على عربيه في رنج 120 أو اكتر مثلا ب5 أو 7 ألاف جنية
طب انا شوفت في التعليق هيونداي إللنترا الجديدة عن تجربتي الشخصيه للإللنترا بصراحه عربيه جميله مع اني كنت راكب تويوتا كامري في السعوديه بصارحه الإلنترا تبقى بالنسبالها البيبي بتاع الكامري بس المشكلة اللي كانت معايا في 2008 انها مافيش فيها فرامل ABS وده مهم جدا الأيام دي عشان الطرق عندنا مش ممهده بالصورة المطلوبه لكن اداء العربيه على الطرق السريعه وفي الزحمه بصراحه مرضي ومش سيئ
تعالوا نشوف إيه ممكن يشتري بــ120 ألف نقول امثله وأسباب وومميزات وعيوب:
أولاً - نبعد عند الألماني اليومين دول الأسعار متفاوته وكمان قطع الغيار
ثانيا - خلينا في الزيرو أفضل من المستعمل عشان الراجل هايدفع 120 الف جنيه مش ورق جرايد يعني مبلغ برضه مش سهل يتحط في أي عربيه
ثالثا - الياباني قوي و حمااااااااال ويعيش بس قطع غيارها غالي على المستهلك بس فيه مقابل
رابعا - المعادله الصعبة لكل اللي فات ده هيه العربيات الكوري بمعنى :
شكل واداء وأمكانيات وإستهلاك اقل في البنزين و طبعا قطع غيار متوفره و متناول المستهلك
هادي مثل معايا على الهيونداي إلنترا 2008 كامله مانيوال
اشتريتها في 3/2008 اول حاجه عملتها معايا طقم البدبرياج بسبب اني بحرق غيارات والزحمه اللي ملهاش حل في شوارع القاهره جبت الطقم كامل أصلي من موزع قطع غيار معتمد لهيونداي ب 650 جنية عباره عن الديسك والفحمه والبليه والتركيب روحت عند مركز خدمه معتمد ودفعت 120 جنيه تركيب و 60 جنيه زيت فتيس يعني الليله كلها 830 جنيه وحط كمان 20 جنيه بنزين يعني 850 جنيه بس التغير ده حصل بعد 3 سنين و4 شهور
بالنسبة لباقي قطع الغاير زي التيل انا مغير تيل امامي على 90 ألف كيلو ب 380 جنيه بالتركيب والضريبه في التوكيل
فلتر زيت ب 20 جنيه الأصلي - فلتر بنزين ب 125 جنية - فتلر هواء ب 80 جنيه - فلتر تكييف ب 90 جنية وكله أصلي
في نهاية الكلام كل اللي عايز اقوله ان الواحد لما يشتري عربيه يدرو على البادتجت اللي معاه ليها و يشوف احسن سعر فيها و مراكز الخدمه وقطع الغيار تكون في إسطاعة المستهلك انه يشتريها ويكون مطمن يعني ما أروح اشتري عربيه بسعر كويس بس مش يقدر على صيانتها وتوفير قطع غيارها بس انا من رأي ان الكوري حل المواضيع دي مع كامل إحترامي وتقديري لجميع الماركات العالمية بس انا بتكلم على المتوسط في الشراء
وانا أسف لأني طولت عليكوا
ودمتم بألف خير وكل عام وانتم بخير ورمضان كريم ويعود عليكم الأيام بالخير والبركة
|
كلام فى الصميم وعملي وعلى فكرة يا باشا لو كنت عملت الحاجات دي برة توكيل كانت حتبقى ارخص بكتيييييييييير تحية لك وكل سنة وانت طيب