[حسن صيام]

سؤال لاهل الخبرة

انا عندى هيونداي نيو اكسنت 2011 اتوماتيك , 54 الف كم , من اسبوعين ظهرت مشكلة عندى فى الفتيس ودوخت فى التوكيل والميكانيكىة برا , العربية وهى بارده تقبل الغيارات كلها , لكن لما تسخن يعنى تمشي شويه زى 5 كم مثلا , تبدأ ما تاخدشى الغيارات , تاخد التانى بس , طبعا لما اجي اخد مطب واجي اطلع احس العربية متكتفة ومش عايزة تطلع وصوتها يعلى وكدا, وبتتعبنى على ما تتحرك وبعد كدا ما تاخدشى الا الغيار التانى بس.

طبعا روحت للميكانيكية قالو لى غير زيت الفتيس غيرت
نضف الحساسات بالاسبراى نضفت
الاخير قالى اطلع على 2 شوية لحد ما تسحب
بعدين قالولي روح لبتاع فتايس اوتوماتيك قالي العيب في الكنترول روحت ل مهندس تصليح الكنترول قالي الكنترول بتاعك ميه ميه
روحت لكهربائي قالي المشط بتاع النقلات عايز يتغير


مبقتشي عارف اعمل ايه وأروح لمين

طبعا كل الكلام دا والعربية زى ما هيا

من فضلكم ارجو توضيح العطل جاى منين وازاى يتصلح

وشكرا جزيلا مقدما لكل ذوي الخبرة المتميزين اللي انا حقا بستفيد منهم