بدايه ارحب بيك استاذ حازم معانا في مصر موتورز
هل نحن بحاجة لتغير مفاهيمنا عن السيارات ؟
|
لازم فعلا نغير مفهونا عن السيارات لان ببساطه مافيش دوله بتصنع سيارات بمفهوم قديم
و ال504 و ال132 و المرسيدس 200 لن تتكرر كثيرا و صعب فعلا تتقارن العربيات دي بعربيات جديده
او حتي عربيات من نفس الموديل لان العربيات دي تعتبر معجزه في عصرها و مازالت تقاوم الزمن
ولولا قله قطع الغيار كانت العربيات دي لسه زيرو لحد انهارده لكن دوام الحال من المحال
انهارده مش حتلاقي ليهم قطع غيار اوريجنال ولا تعرف تعمل عمره محترمه زي زمان حتي
المستعمل قل منها و تمنه زاد بدرجه كبيره لندرته .
فالمفروض اننا نطور من مفهومنا للسياره
|
هل نحن غير ناجحين مع السيارات ذات التكنولوجيا العالية ؟
|
فعلا غير ناجحين مع التكنولوجيا المعقده التي اعتبرها في نظري محاوله من الصانع لتحجيم المستهلك
و اجباره الاعتماد علي مراكز الصيانه التابعه للتوكيل لحل اي مشكله في السياره و طبعا مزيد من المكاسب
توازي او تزيد عن ارباحه من السياره نفسها!!!!
|
هل نحن بحاجه لسيارات أرخص بتكنولوجيا أقل ؟
|
فعلا مصر كدوله ناميه و مستوي دخولها قليل الي متوسط تحتاج الي سيارات متزنه في تكنولوجيتها ولا
داعي لتكنولوجيا معقده غير مهمه كالباور الكهربائي و تحكم الكمبيوتر في كل كبيره و صغيره
لتقليل استهلاك الوقود بشكل طفيف او تحسين التسارع برضه بشكل طفيف .
كنت بتكلم مع الباشمهندس احمد انور في تطور السيارات و مين افضل عربيات
وفي اعتقادنا ان افضل موديلات للسيارات كانت موديلات التسعينات لما تتمتع به بشكل معقول و تكنولوجيا
محترمه و بسيطه و استهلاك معتدل للوقود و معمره .
|
هل نحن بحاجه لفنين من طراز جديد ؟ و كيف يمكن الحصول عليهم ؟
|
فعلا محتاجين لفنيين مهره و يستطيعوا التعامل مع السيارات الجديده و ما بها من تعقيد تكنولوجي
و الموضوع مش صعب و بدأ يظهر فعلا ناس تتعامل مع السيارات دي زي التوكيل و احسن في بعض الاحوال.