[hishamatsh]

المشاركة الأصلية كتبت بواسطة mesho70 حضرتك حددت اسم وعنوان لكن اية الموضوع بالتفصيل علشان نفهم و الكل يستفاد من تجربتك

بص ياميشو بأختصا أن مكنش عندي أي خبره في الموضوع بتاع العربيات ده فجبت الوسيط وقعدت أقرء الأعلانات ولقيت أعلانو فتصلت عادي لأني مكنتش لاقي شغل للعربيه بالسواق المهم رحتلو والسكرتيره بقى والشركه والديكور وحوارات كده تديلك اطمئنان غير عادي وأنك ممكن تسلمو العربيه من غير حاجه المهم قرأت العقد بتاعو وأديتو لمحامي وكده المحامي قالى ده عقد مجحف في بعض البنود المهم يعني كلمت على البنود دي وقالى هعدلهالك وكده كذا بند كده أنو يعمل الصيانه في التوكيل ويكتبها في العقد لأنو هو قالى الصيانه في التوكيل والعقد مش مكتوب فيه كده المهم يعني غلطتي بقى في العقد أنو حطيت شرط جزائي كبير وللأسف هو ضجك عليا في الحته دي لأنو هو قالي لو العقد بيتفسخ بيتفسخ مننا أحنا مش منك والواد عامل زي الساحر المهم مضينا العقد وطبعا قبل ما نمضي قالي نسيت أقولك على العموله 3100 جنيه وكده قولتلو ازاى قالى دي شرط اساسي العموله المهم بعد الشد والجذب أتفقنا أنو ياخد عمولتو ال3100 على 4 شهور يعني كل شهر 775 جنيه المهم أول شهر أتأخر عليا 14 يوم وطلع عيني ووداني 3 مرات الشركه وأروح مالقيش حد المهم أنا خفت وقولت خلاص العربيه راحت لحد ما كلمتو بعدها بيوم ورد عليا وقالى تعاللى الساعه 12 بلييل عشان أديك فلوسك قولتلو 12 معقوله المهم فرحت ولقيتو فراح مقبضني وروحت البيت عادي تاني شهر بقى الى كانت حصلت فيه الثوره كلمتو 3 تيام مابيردش أروح الشركه مالقيش حد ورد عليا بعد وقالي حصلت لنا ظروف وكده والفلوس الناس مش عايزه تدهالي عشان أقبضك قولتلو أزاى يعني قالى أصبر قولتلو ماشي بعدها بيومين قالى لازم تشيل معايا نص المده قولتلو بص يا استاذ احمد عشان اشيل عنك الحرج تديني العربيه وتحسبني على نص المده قالي لأ ماقدرش اديك العربيه ولو عايز العربيه تديني الشرط الجزائي المهم بقى بأختصار طلع عيني وقولتلو خلاص انا عايز الفلوس ورحتلو عند الشركه ولطعني والله 3 سعات ومجاش ولا اداني فلوس ولا أي حاجه فرحت مكلم خالى وجبنا ناس ورحنالو الشركه لما شافنا ناس كتير قعد يتأسف وكده ويقول ظروف وكده وكان سعتها متأخر عليا 28 يوم قولنالو خلاص أحنا عايزين العربيه قال أدفعو الشرط الجزائي قالنا ازاى ندفع الشرط الجزائي المهم يعني لقينا ناس تابعو داخله علينا وأخوه الكبير وقالنا خلاص ولا انتا تدفع الشرط الجزائى ولا هو يديك حاجه طبعا أنا مكنش قدامي غير أني اقبل لأني كنت حاسس أني العربيه مش موجوده وخدنا العربيه والله مخبوطه ومبهدلها وصلحتها على التأمين طبعا في ناس عندنا كانو هيخطوفوه والله وكان معاهم سلاح وكل حاجه بس أنا هديت الموضوع وخدت عهد من خالى أنو يسيبو ومايتعرضلوش الأنسان ده لو كان فكر في ربنا لحظه ولو كان فكر في شاب زي بيعمل شقتو وعايز يتجوز ومحتاج كل ماليم مكنش عمل كده حسبنا الله ونعم الوكيل في صحتك وعافيتك يا أحمد يانجيب