[elgdawy2007]

المشاركة الأصلية كتبت بواسطة minabila مساء الخير على جميع الاعضاء في هذا القسم . دة طبعا اول موضوع اشارك بيه معاكم و أكيد دة شيئ يشرفني , انا اشتريت صني 2011 ex , abs و استلمتها في ساعتها و سعرها 93.500 الف . تقريري المتواضع جدا و البسيط عن صني و بساطته ترجع لأني استلمتها اول امبارح ,,, العربية محترمة جدا و بتتميز بالفخامة بالنسبة لحجمها اللي معروف عنها ( و دي مشكلة بالنسبالي حتى الان لاني كان معاية عربية صغيرة ) و دي طبعا مشكلة مؤقتة نسبياً , الباور محترم جدا الدريكسيون مش تقيل زي ما ناس كتير كانت بتقوللي, الدريكسون باور مش ورقة توديها وتجيبها في اي حتة لأ في تحكم كويس و انا شايف ان دة افضل من الباور الكهرباء , المساحة من قدام واسعة جدا و من ورا متوسطة يعني مش ضيقة اوووووووي زي ما قريت في اماكن كتير , و الشنطة مساحتها هايلة , الاضاءة في مجملها كويسة جدا, تغطية المرايات عادية في عربيات افضل بكتير خصوصا ارتفاع الشنطة اللي رخم شويتين بالنسبالي , ارتفاع العربية عن الارض جميل ماتحسش بمطبات ولا انك لازم تعمل العربية زي التعبان و تفضل تتلوى و علو الصني جميل بس في المعقول يعني في الطباط المعقولة مش العليا قوي , صوت العربية عالي من الداخل بس مايخضش يعني , عزل العربية مش ممتاز عادي ,في المطبات سلسة و مش زي ما سمعت برضه , التسارع حلو مش وحش يعني قوية و سريعة و احسن من كتير اوي اوي , و ايه تاني يا ربي ؟؟ !!, الكيك داون مية مية و استجابة الدواسة مية مية , الفرمل مش جامدة و قالولة لسة ماطبعتش على التنبورة , الزجاج كله كويس من حيث سرعته لكن اللي ورا يمين في حكة بسيطة قالولي في التوكيل هتتظبط بسهولة , اماكن التخزين داخل العربية كويسة بس تحس ان المصممين اغبياء شوية يعني الولاعة مزنوقة تحتت حامل الاكواب و دي حجات تعدي يعني مش مميتة , المفتاح و الريموت بدائيييييييييييييييين جدا شكلهم مش مستوة العربية المجمل العربية دي ممتازة جدا:14FEAD~15 1: و انا مبسوط ان انا جبتها . و شكرا لمروركم و ازعاجكم .

1000 مبروك ايها الاخ الكريم وان شاء الله تكون فاتحه خير عليك وعلينا ان شاء الله انا كمان اشتريت اى اكس اوتوماتيك 2012 والسياره حلوه بأمر الله الف مبروك مره تانيه وربنا يبارك لنا فيها يا رب العالمين وعلى فكره السياره مش مجرد مفتاح وريموت خليك فى المضمون واظن المضمون بالنسبالك شيىء مشرف على ما اعتقد