[ابو هيما]

والله العظيم يا أستاذة توتا .. أنا كان معايا ثلأث عربيات قبل كده وكلهم كانوا زيرو والحمد لله .. أتنين كنت مأمن عليهم من الزيرو .. واحدة منهم بعتها وهى لسة ما كملتش 26 ألف كيلو لأنها بصراحة كانت منظورة معايا وكنت كل ما أجى أخرج بيها يحصل نصيبة وفى مرة اتخبطت وهى واقفة فى جراج فقررت أنى أبيعها , والتانية اللى بعدها كنت مأمن عليها بردوا ,
لأ والأنيل أنى كنت مأمن على حياتى كمان معاها وأتقلبت بيها وهى والله ماكملتش 27 ألف كيلو , وكنت هأروح فيها أنا ومراتى وعيالى لولأ ستر ربنا , لدرجة أن كل اللى كان بيشوف العربية وهية عاملة زى علبة البيبسي المطبقة كان بيضرب كف على كف ويقول سبحان الله .. أنتوا خارجتوا منها أزاى ..
ده غير بقى خدي عندك:
- جرى وره شركة التأمين عامين كأملين عشان أصرف مبلغ التعويض وكنت بشحت حد يكلمنى , ده غير النصابين اللى كانوا بيطلعوا لى من تحت الأرض زي الدود فى شركة التأمين وبراها ,, ويقولك هأت مبلغ كذا عشان أصرفلك , هات مش عارف أيه وأنا أخلصلك .
_من ناحية تانية حرقة دم من وزن البنك على الأقساط وزهق وعدم تركيز فى الشغل من المشاكل من ناحية تالتة .. والله خسرت فيها بعد العذاب مع شركة التأمين وبوس الأيادي عشان يصرفوا مبلغ التعويض ,, خسرت 60 ألف جنيه وأكتر ..والله وكان هايجيلى السكر وأنا لسة شاب صغير من غيظى !!!!!!!!!!!

العربية التالتة بقى دي حلفت عليها وقلت والله ما مأمن عليها وكمان فكيت بوليسة التأمين على الحياة اللى كنت عاملها ..
ولكى أن تتخيلى أد أيه ربنا بارك لى فيها وبعتها بعد ما أستمتعت بيها سنتين كأملين كأنها زيرو بالظبط وكسبت فيها كمان . . مع أنها كانت أخف من الأتنين الأولأنين.. بس للأسف طلعت مش تمام أنى أتسرعت وبعتها , كانت كويسة ومريحانى وقطع غيارها رخيصة . بعدها أتسكيت فى حتة بى أم دبليو مستعملة موديل 1992 ودى كانت أول مرة اجيب مستعمل , قعدت معايا شهر بالظبط ويومين وبعدين بعتها وحلفت بردوا أن شاء الله ما أجيب مستعمل تانى
- الأولى : تويوتا ياريس2008
-الثانية : موتسوبيشى لأنسر كأملة اتوماتيك 2009
- الثالثة : هيونداى فيفا 1500 سي سى 2010
- الرابعة : بى أم دبليو ( الدبانة) 1992

الحمد لله أنها بتيجى على قد كده , والحمد لله أكتر أنها بتيجي فى الفلوس.. ويارب يقدرنى على أنا أشكره وأرود جميله عليا زى ما كرمنى وأنقذنى وزوجتى وأولأدي من الموت