ما هو تشخيص وضع بطارية ودينامو وتاكيهات للعربية دى؟
جارى
عنده عربية فيات 128 موديل تسعينات
مغير كل نظام الاشعال بقطع جديدة
بوجيهات واسبيراتير وكابلات وموبينة
البطارية فارتا 70 امبير
المهم ٍ سألنى
قالى ان العربية تمام جدا وموتورها ناعم وحلو
بس من حوالى أسبوعين
بدأ يحدث اهتزار على السلانسية بشكل يشبه نقرة خفيفة او كان حاجة مش ثابته بتخبط الصوت مش قادر احدد مكانه بس هو فى الموتور او ربما القواعد
بس على السلانسيه
اول ماتزود بنزين
تختفى المشكلة تماما والعربية زى الحلاوة
يعنى النقرة البسيطة دى او هزة الموتور الخفيفة دى على السلانسيه
عملت الاتى
راجعت شدادات الموتور والقواعد بالنظر بالعين
سليمة
راجعت ضبط الكاربيراتير من مسمار البنزين حتى مع التعلية او التوطية
النقرة موجودة مع الهزة
راجعت العمة وفلتر الهواء
تمام
راجعت نظام الاشعال كله
الابلاتين تمام ومش لادع
والخلوص مضبوط
وغيرت بوجيهات من عندى جديدة بكرتونتها كنت جايبها لنفسى
برده النقرة موجودة
راجعت ضبط الاشعال بالتقديم والتأخير سنة سنة
برده النقرة موجودة
راجعت الشرارة الخارجة من اسلاك البوجيهات
تمام
يبقى نظام الوقود
OK
يبقة نظام الاشعال
ok
البطارية
جيت عند البطارية
قيستها بالافو على وضع Car Off
عطيتى قياس 12.3 --- 12.4
قيست على وضع car on سلانسيه علشان أشوف شحن الدينامو
عطيتنى 12.22 الى 12.25
قلتله زود بنزين High RPM
عطيتنى على التزويد قياس 12.46 الى 12.51
قلتله والله اعلم
الدينامو بتاعك مش بيشحن العربية كويس
فيه مشكلة فى كهرباء العربية على السلانسيه
وسبب الهزة احتمال كبير هو الدنيامو لانه مش بيشحن على السلانسيه كويس
لان القياسات دى كلها مش مضبوطة زى كتالوج الصانع
او
السبب ضبط تاكيهات فى العربية هو سبب النقرة
ايه رأيكم
هل فى طريقة لاصدار حكم الاعدام او البراءة على الدينامو
وهل فيه اعراض صوتيه على السلانسيه
معينة للتاكيهات الى عايزة تتضبط
بارك الله فيكم
|