شكراً سبير كار
هذه تجربتي بالأمس مع سبير كار:
اتصلت في الساعة 10:30 صباحاً بفرع التجمع الخامس مستفسراً عن الجهاز SPY 5000m وجدته متوفراً، سألت عن ماكينة الرفع ووجدتها متوفرة أيضاً، سألت عن موعد يمكنني فيه تركيبهم، في ثواني بسيطة أبلغوني امكانية التركيب في نفس اليوم (الإثنين) في الثالثة عصراً.
بصراحة أعجت بمستوى الخدمة وتوفر ما طلبته لديهم.
استأذنت من العمل وأخذت نصف يوم أجازة، وخرجت الساعة 2 ظهراً من العمل في مصر الجديدة متوجهاً للتجمع الخامس، كان ممكن أروح فرع الشيخ ريحان وآخد نفق الأزهر لكن قولت خلليني بعيد عن زحمة وسط البلد في عز الظهر، المهم كنت موجود الحمد لله في الفرع الساعة 3 بالظبط كما الاتفاق.
قولتلهم في حجز تركيب جهاز انذار وماكينة رفع، قالولي أيوة مظبوط، ثانية واحدة.... للأسف الجهاز مش موجود!
قولتلهم ازاي انا حاجز ومأكد النهاردة الصبح وانتم اللي حددتم المعاد! وعلى المعاد انا اخدت نص يوم أجازة وجيتلكم التجمع.
اعتذروا وقالولي للأسف الجهاز مش موجود، ممكن حضرتك تشتريه وتركبه من فرع وسط البلد!
بصراحة قولتلهم شكراً ومشيت، الواحد زهق من الخناق و و و، وقولت أروح وسط البلد بقى كده كده اليوم مضروب والأجازة اتحسبت عليا خلاص.
شيء إلاهي خلاني أرجعلهم وأقولهم لو سمحتم اتصلوا بفرع وسط البلد بدل ما أدب المشوار لحد هناك ويطلع نفس الحوار.
مشكورين اتصلوا بالفرع، وعملوا اتصال تاني، وتالت، وفي الآخر بلغوني:
الجهاز للأسف مش موجود عندنا خالص!
وضاع نص يوم الأجازة والنتيجة صفر...
ولا عزاء للعملاء
|