رد: سيارات مفقودة ..
أبدأ بنفسي ،،
سيارة كيا سفيا موديل 99
اللون: ذهبي
رقم اللوحة: س ي ج 6517
المكان اللي فقدت منه السيارة: أمام مستشفى الزراعيين - الدقي - الجيزة
رقم التليفون : 0188662040
الطريقة للعبرة :
واحد رمى نفسه قدام العربية على مطلع كوبري الدقي ، الناس اتلمت ، مستشفى المستشفى الحقو الراجل ، ركب معاه اتنين ( من الناس اللى اتلمت على الحادث )
نزلنا من العربيه في جراج قدام المستشفى
الغلطة بقا :
في العادة في أي جراج كنت بسيب المفتاح للسايس على اساس في زحمة العربيات اللي راكنة يعرف يتصرف و يحرك العربيات من مكانها أو يطلع عربية ويدخل التانيه مكانها وهكذا .. طبعا غلطه كبيره بس القدر والحمد لله وانشغال بالي في الموقف اللي انا فيه وعاوز أركن بأي طريقة عشان ألحق المصاب ..
شافنا كلنا نازلين من العربية ففتكرنا مع بعض ،،، الشباب دخلو المستشفى وسابوني ملهي مع الدكتور واللي عامل نفسه مصاب ، قامو خارجين بكل هدوء وأخدو المفتاح من السايس بكل ثقة ودورو العربية ومشو زي البشاوات ..
طبعا المصاب جري قدام العربية بحرفنه كأنه خبره في الموضوع ده ، وأول اما العربية قربتله رفع رجليه من على الارض يادوب أي لطشه في رجله كفيله انها تخليه يفتل في الهوا ،، وكان عامل نفسة دايخ و و الخ والكلام ده وأول ما عرف أن العربية اتسرقت فاق وبقى عال العال ..
أول حاجه عملتها طبعا محضر وخطاب لإدارة المرور لرفع الملف عشان ماحدش يضربلها ورق والا يبعها ....الخ
وحسبنا الله ونعم الوكيل
في المديرية سمعت قصص وحكاوي قلت الف حمد وشكر لله أنها جت على كده وبس فخدو بالكو وربنا يسترها على الجميع إن شاء الله
تحياتي ،،،
|