[elomda.basha]

المشاركة الأصلية كتبت بواسطة sergiooo90 بسم الله الرحمن الرحيم العربية بشكل عام بداية من شكلها فهي جميلة من الامام و تحس من الخلف أنها مركبة فضائية من اكثر السيارات في مصر إرتفاعا عن الأرض رشيقة بمعنى الكلمة بتطلع مطالع و تنزل بسهولة وعلى فكرة العربية ديه بيقدروها و بيحبوها جدا بره و ليها كذا فيديو على اليوتيوب يبين إنها عربية خدمة شاقة فعلا في المناورة مناورتها سريعة جدا و ثابتة في المناورات أبدا بقى أخصص لكم شوية :08da 300846c84943ae1 و ما سمعته و اللي انا شايفه بالنسبة للموتور سحبهه من الثبات ممتاز و بيطلع المطالع بسهولة و لما بتنزل اي منزل الموتور بفرمل لوحده و جربتها كذا مرة العربية بتنزل لو حدها بثبات و تحكم عالي من غير فرامل حتى بالنسبة للفتيس و ده خطأ شائع لأن معظمنا ما بيقراش ماانيوال عربية طبعا الفتيس مانيوال و ما فيش في مصر منها غلى الىن اتوماتيك ولكن حلاوتها في المانيوال انا معايا ال4×4 فيها 6 سرعات الشركة كاتبة في الكاتلوج (( يفضل إنك تطلع على نمرة 2 في الطرق الممهدة و المستوية )) و بكده غتحلت مشكلة النقلات القصيرة اللي الناس بتشتكي منها لأن الناس بتطلع على الاول و هوا اصلا مصمم للطرق الاوف رود و غير الممهدة و الجبال و الرملة و الكلام ده لكن لو طلعت من الثبات على التاني مش هيبقى فيه مشكلة لأن العربية تقريبا هتبقى برضه 5 سرعات موفره في البنزين للامانة انا حاسس إن النوبيرا موفرة أكتر بس شوية كده لما آخد عليها طلعت على الصحرواي و جبت 160 بسهولة يمكن بتسمع صوت الموتور العالي لما تزود السرعة عن 120 و لكن انا لما مشيت على 160 كذا مرةالصوت إختفى زي ما تقول العربية إتعودت وللا إيه أرجوا من رجالات الميكانيكا يفهموني ديه طبعا هيا 1600 بالنسبة لل4×4 الكاوتش جوه الشنطةمش تحت العربية الكاوتش بتاعها قطره كبير 17 إنش بالإضافة إلى إنه سميك و عريض بيوفر هدوء و عدوم شعور بالمطبات و بيديك 4 فرد كونتينينتال بتاعت ال فولكس و الأودي والإستبن ميشلان فرنساوي الشنطة واسعة الكاوش في القعر و العدة في الجنب مقفول عليها بغطى و فيه ستارة من فوق عشان تغطي الشنطة طبعا الإزاز متفيم تفيم خفيفة خلفي وجانبي ما عدا السائق لما رخصت كتبلي (( زجاج ملون فابرقة )) يعني لو كتمتها كحل كل الغزاز محدش هيكلمني لأنها نازله بيها فيها حاجة كده غريبة العدادات قدامك تحس إنك قاعد في عربية هليكوبتر فيها حاجات كتيييير و لمبات كتيييير مش عارف بتاعتإيه يا رب تفضل مطفية على طول بالمناسبة , حاجة مهمة العربية ديه ما بتتأثرش بالميه خش بالموتور كله في بركة مش هيجرى حاجة و عن تجربة بتجري آه جوه المدن و عفريته بس يمكن تسارعها بطئ على الطرق السريعة شوفوا كده ولو عايزين أي استفسار براحتكم انا تحت امركم مش عارف ليه الموقع مش راضي ينزل صور هحاول تاني انزل الصور

أنا نفسى اشتريها بس خايف منها وعاوز حد يشجعنى